Kulturprisen vert delt ut av Voss herad ved utval for kultur og næring.

 I retningslinjene for prisen står det:

Voss herad sin kulturpris skal heidra og stimulera det lokale kulturlivet. Prisen skal gå til nokon som har gjort ein framifrå innsats innanfor kunst- eller kulturarbeid i Voss herad.  

Kulturprisen kan delast ut til kunstnarar, kulturarbeidarar eller lag og organisasjonar med tilhald i heradet eller anna tilknyting til Voss. Prisen kan eventuelt delast mellom fleire mottakarar.  

Forslag til kulturprismottakar skal vera skriftleg, grunngjeve og signert avsendar. Avsendar og føreslegne kandidatar er ikkje offentleg. 

Send framlegg til kulturpris vinnar til: postmottak@voss.herad.no eller Voss herad, Postboks 145, 5701 Voss. Frist for å senda inn framlegg til kandidatar er 1. oktober 2023

Kulturprisen er eit kunstverk laga av Gunnar Kjerland.