Voss Herad

Samlesider om koronavirus

Voss herad oppdaterer fortløpande med informasjon om covid-19, koronavirus. Les oppdatert informasjon her.

Informasjon om vaksine: Oppdatert informasjon om koronavaksine i Voss herad

Information about covid-19, corona, in different languages: Lenke til FHI sin informasjonsside om koronavirus på fleire språk

 

TLF TESTING OG VAKSINE: 900 89 662 man-fre kl 0900-1200.
 

Mangel på arbeidskraft i skogen

Mangel på arbeidskraft i skogen

Klikk for stort bilete 

I Vestland er det eit stort behov for arbeidskraft til å plante skog etter hogst. Plantene ligg på kjølelager og næringsaktørane treng hjelp til å setje dei i jorda.

Planting av skog er ein sesongbasert aktivitet, og normalt sett nyttast arbeidskraft frå utlandet kvar vår og haust. På grunn av innreiserestriksjonane som følge av covid-19 er vi i same situasjon no som våren 2020. Den gongen gjorde ein storstilt organisering at planlagd aktivitet blei gjennomførd. Mellom anna fekk elevar frå vidaregåande skule i Førde god opplæring og oppfølging i skogplanting. Dei tente då gode pengar på å plante i lag med mange andre lokale ressurspersonar, med ulik bakgrunn og erfaring frå skogbruk.

På kjølelager ligg det omkring ein million skogplanter som er planlagt planta i Vestland fram mot sommaren, og som skogbruksaktørane er usikre på om dei har arbeidskraft nok til å plante. Plantinga skal i hovudsak skje i Indre Hordaland, Nordhordland, Sunnfjord og Nordfjord, men det vil vere ein viss aktivitet overalt.  

Meir informasjon

Kontaktperson i Voss herad : Bjørn Hystad, tlf 417 04 901, epost: bjorn.hystad@voss.herad.no