Voss herad har fått tildelt kr 210 000 til investeringstiltak i beiteområda i 2023. Bruk av midlane i Voss herad er prioritert i lokal tiltaksstrategi som vist under.
A. Tilskot til investeringar i faste installasjonar og anna utstyr knytt til beitebruk. Innanfor rammene sett i forskrift for bruk av tilskotet kan tilskot gjevast til alle tiltak som fremjar bruken av beite i eit område. t.d.:
- Sperregjerder
- Ferister
- Bruer
- Gjetarhytter
- Sanke- og skilleanlegg
- Anlegg/rydding/ utbetring av drifteveier
- Saltsteinsautomatar
- Elektronisk overvakingsutstyr
- Elektroniske gjerde
Det er ein føresetnad for tilskot til faste installasjonar at det vert innhenta løyve frå eller avtaler med grunneigarar eller andre som har rettigheiter i det aktuelle beiteområdet, og som kan tenkjast å verte rørt av tiltaket. Det kan ikkje gjevast tilskot til same type investeringstiltak før etter 20 år for hytter og 15 år for andre faste installasjonar.
B. Planleggings- og tilretteleggingsprosjekt
Gjeld ulike typar prosjekt som retter seg mot organisering og tilrettelegging av utmarksbeita for god og effektiv beitebruk. Dette kan m.a. omfatte:
- Planlegging og prosjektering av faste installasjonar
- Ny organisering av beitelag og utmarksbeiteområder
- Prosjektretta arbeid for stimulering til auka beitebruk og rasjonell nytting av beita
- Tidsavgrensa utprøving av nytt utstyr som kan bidra til effektiv og god beitebruk
- Utarbeiding av planar (beitebruksplan, tiltaksplan, beredskapsplan mv.) for utmarksbeite
- Vegetasjonskartlegging
Rettleiande timesatsar for eige arbeid
Søknad
Lenke til søknadsskjema og meir informasjon finn de her. Beitelag sender søknad om tilskot på elektronisk søknadsskjema i Altinn. Hugs naudsynte vedlegg, som kart og løyver mm.