Oppdatert vaksine frå Pfizer er tilgjengeleg frå 21. oktober som oppfriskningsdose, det vil sei frå og med dose 3.

Denne vaksina heiter Comirnaty Original/Omicron BA. 4-5. Mengda mRNA i Comirnaty Original/Omicron BA.4-5 er den same som i den opprinnelege vaksina og Comirnaty Original/BA.1 (30 mikrogram/dose), men halvparten av mengda er byttet ut med mRNA som dekker BA.4-5 varianten.

Til grunnvaksinering (dose 1 og 2) skal ein framleis bruke den opprinnelege vaksina.

Personar som allereie er vaksinert med oppfriskingsdose har fått styrka sin immunitet mot alvorleg sjukdom og treng difor ikkje ytterlegare ny dose med oppdatert vaksine no.

Personar 65 år og eldre vert tilrådd ei ny oppfriskingsdose med koronavaksine. Dei som har gjennomgått koronainfeksjon vert også tilrådd å ta oppfriskingsdose. Sjukeheimsbebuarar får tilbod der dei bur.

Kriteria:

• minimum tre veker, men gjerne 3-4 månader etter tilfriskning av koronasjukdom, for best antistoff respons.
• det skal ha gått fire månader sidan siste vaksinedose. Dato for din siste vaksinedose finn du i Helseboka Trykk på "Kalender" og på "Tidligere hendelser".

Personar med alvorleg svekka immunforsvar er tilrådd ein oppfriskingsdose minimum fire månader etter siste vaksinedose. For enkelte vil dette være dose nr 5. Dato for din siste vaksinedose finn du i Helseboka Trykk på "Kalender" og på "Tidligere hendelser".

Hugs å ta med dokumentasjon på alvorleg svekka immunforsvar (brev frå lege, resept eller legemiddelpakning på medisinsk preparat) ved vaksinasjon.

Kven gjeld dette for? 

Gruppe 1

• Organtransplanterte
• Beinmargstransplanterte dei siste to åra
• Alvorleg og moderat medført immunsvikt
• Alvorleg nyresvikt (stadium 5) eller aktiv dialyse
• Avansert eller ubehandla hiv- infeksjon

Gruppe 2

• Pasientar med pågåande betydeleg immundempande behandling av anna årsak. Dette er pasientar som brukar immundempande medisin som står på denne lista.
• Kreftpasientar med aktiv eller nyleg gjennomgått immundempande behandling som av ansvarleg legespesialist er vurdert å ha svært nedsett immunforsvar.
• Pasientar som av ansvarleg spesialist vert rekna å ha svært nedsett immunforsvar og som ikkje inngår i ein av gruppene ovanfor.

Regjeringa har avgjort at kommunane no kan gje oppfriskingsdose mot covid-19 også til risikogrupper mellom 18 og 64 år.

Hugs å ta med dokumentasjon på underliggande risko for alvorleg sjukdomsforløp (brev frå lege, resept eller legemiddelpakning på medisinsk preparat).

Kven gjeld dette for?

• organtransplanterte
• alvorleg og moderat immunsvikt
• immundempande legemiddelbehandling som ved autoimmune sjukdommar
• hematologisk kreftsjukdom siste fem år
• annan aktiv kreftsjukdom, pågåande eller nyleg avslutta behandling mot kreft (spesielt immundempande behandling, strålebehandling mot lungene eller cellegift).
• alvorlege nevrologiske sjukdomar eller muskelsjukdomar som medfører nedsett hostekraft eller lungefunksjon (f.eks. ALS og cerebral parese)
• Downs syndrom
• kronisk nyresjukdom og nyresvikt
• kronisk leversjukdom eller betydeleg nedsett leverfunksjon
• demens
• kronisk lungesjukdom, inkludert alvorleg astma som har medført bruk av høgdose-inhalasjonssteroidar eller steroidtablettar siste året
• fedme med kroppsmasseindeks (KMI) på 35 kg/m2 eller høgare
• kroniske hjerte- og karsykdomar (med unntak av høgt blodtrykk)
• hjerneslag
• diabetes, og då særleg pasientar med langvarig eller dårleg kontrollert sjukdom eller seinkomplikasjonar.

Dato for din siste vaksinedose finn du i Helseboka Trykk på "Kalender" og på "Tidligere hendelser" oppfriskingsdose gis minimum fire månader etter siste vaksinedose.

Regjeringa opnar opp for dose 4 til personar i aldersgruppa 18-64 år utan underliggande risiko for alvorleg sjukdom. FHI vurderer at gruppa 18-64 år utan underliggande risiko per no ikkje inkluderast som ei av målgruppene som vert anbefalt ei ny oppfriskingsdose, men at det likevel opnast opp for at dei som sjølv ynskjer det, kan ta ein ny dose.

Alle vaksinar, også koronavaksine, har biverknader. De fleste biverknadane etter vaksinasjon er milde og går over i løpet av kort tid, men det er kjent at koronavaksinane i sjeldne tilfelle kan gje biverknader som kraftige menstruasjonsblødingar og betennelse i hjartemuskelen og hjarteposen. Den enkelte må derfor vurdere nytte opp mot risiko for eventuelle biverknader av vaksinane.

Ungdom med alvorleg grunnsjukdom er ei sårbar gruppe som det er viktig å beskytte mot infeksjon som kan være meir alvorleg for dei eller forstyrre/forsinke anna behandling. Det er lenge sidan denne gruppa fekk førre dose, og det er usikkert kor lenge beskyttelsen varer. Folkehelseinstituttet anbefala derfor at ungdom i alderen 12-17 år med alvorleg grunnsjukdom no bør få tilbod om ei oppfriskingsdose.

HUGS Å TA MED VED VAKSINASJON:

• Dokumentasjon på at du har alvorleg grunnsjukdom (brev frå lege, resept eller legemiddelpakning på medisinsk preparat).
• 12-15 år: Samtykke frå føresette. Føresette kan samtykke digitalt eller fylle ut samtykkeskjema (PDF, 46 kB). Dersom bornet har to føresette må begge føresette registrere bornet i vaksinekø for at digitalt samtykke skal vere godkjent/signere samtykkeskjemaet for at det skal vere godkjent.

Kven gjeld dette for? 

• Organtransplantasjon (f.eks. hjarte, nyre, lever etc.).
• Immunsvikt (eksempelvis medfødt immunsvikt eller bruk av medikament som gjev betydeleg systemisk immunsuppresjon)
• Hematologisk kreftsjukdom (f.eks. leukemi, lymfom) siste fem år
• Annan aktiv kreftsjukdom, pågåande eller nyleg avslutta (innan siste seks månadar) behandling mot kreft - spesielt immundempande behandling, strålebehandling mot lungene eller cellegift
• Nevrologiske sjukdomar eller muskelsjukdomar som medfører nedsett hostekraft eller nedsett lungefunksjon
• Kronisk nyresjukdom med betydeleg nedsett nyrefunksjon
• Alvorleg hjartesjukdom (barn med hjertesvikt, alvorlig pulmonal hypertensjon, cyanose, eittkammer-sykdom/«Fontan-barn»)
• Alvorleg lungesjukdom (f.eks. cystisk fibrose, svært alvorleg astma med forverringar som har behøvd akutt sjukehusinnlegging siste året)
• Annan svært alvorleg sjukdom. Vaksinasjon i slike tilfelle vurderast individuelt av barnelege.

Dato for din siste vaksinedose finn du i Helseboka Trykk på "Kalender" og på "Tidligere hendelser" oppfriskingsdose gis minimum fire månader etter siste vaksinedose.

Gravide har auka risiko for alvorleg koronasjukdom samanlikna med ikkje-gravide kvinner på same alder. Risikoen for alvorleg sjukdom aukar utover i svangerskapet og er størst i 2. og 3. trimester. Dersom den gravide samtidig har andre risikofaktorar, som for eksempel fleirlingesvangerskap eller underliggjande sjukdom, aukar risikoen ytterlegare.

Folkehelseinstituttet anbefala at gravide i 2. og 3. trimester vert tilbydd oppfriskingsdose, ettersom det er då dei har høgast risiko for alvorleg sjukdom. Dette er uavhengig av om dei berre er grunnvaksinerte frå før eller allereie har fått ei oppfriskingsdose. Det bør ha gått minst 4 månader sidan førre dose.

Folkehelseinstituttets vurdering er at det per i dag ikkje er grunnlag for å inkludere helsepersonell i målgruppa som tilrådast ei ny oppfriskingsdose no i haust, men at helsepersonell som sjølv ynskjer  det, kan velgje å ta ei ny dose.

Born og unge som er 12-15 år kan vaksinerast med andre dose dersom dei sjølve og føresette ynskjer det. Gjennomgått Covid-19 erstattar behovet for ein vaksinedose. Føresette eller andre støttepersonar er velkomne til å fylgje barnet til vaksinasjon. Meir informasjon finn du på FHI.no

Samtykke frå føresette må føreligge ved både 1. og 2. dose. Føresette kan samtykke digitalt eller fylle ut samtykkeskjema (PDF, 46 kB) (jmfr oppdaterte retningslinjer frå FHI 01.02.22). 

Dersom bornet har to føresette må begge føresette

• registrere bornet i vaksinekø for at digitalt samtykke skal vere godkjent. 
• signere samtykkeskjemaet for at det skal vere godkjent.

Ta kontakt med Helsestasjonen for å avtale time til vaksinasjon av born under 12 år på telefon 56 53 30 40

Born i aldersgruppa 5-11 år kan vaksinera seg dersom føresette ynskjer det. Tilbodet er mest aktuelt for følgande born:

• som har kroniske sjukdomar
• som er i kontakt med sårbare personar
• som skal opphalda seg eller flytta til land med høg smitterisiko eller dårlegare tilgang på helsetenester

Samtykke frå føresette må føreligge ved både 1. og 2. dose. Dersom bornet har to føresette må begge signere samtykkeskjemaet (PDF, 46 kB) for at det skal vere godkjent.

Ein dose vert vurdert å gje best nytte-ulempe balanse. 
Det er mogleg å gje dose 2 etter 8-12 veker dersom føresette ynskjer det.
Gjennomgått Covid- 19 vert rekna som ei immunologisk hending og kan erstatte behovet for vaksinedosar.
Vaksina Comirnaty 10 mikrogram/dose er godkjent for aldersgruppa 5- 11 år. 

Les meir om vaksinasjon av born 5- 11 år på FHI her

Me vaksinerer i hovudsak med Pfizer-vaksina. Personar under 30 år er tilrådd Pfizer-vaksina.

For å bli vaksinert med Moderna-vaksina må du gje beskjed om dette til vaksinasjonstaden i god tid før du skal vaksinerast. Dette fordi Moderna-vaksina er frosen og må tinast før bruk. 

Du finn koronasertifikatet ditt på Helsenorge.no 

Er koronasertifikatet mitt gyldig?

Nye reglar for koronasertifikat frå 01.02.2022:

Fullvaksinerte må ta oppfriskningsdose dersom det er gått meir enn 270 (ca 9 mnd) dagar sidan siste vaksinedose for å ha eit fortsatt gyldig koronasertifikat. 

Gjennomgått covid-19 erstattar ikkje oppfriskningsdose på koronasertifikatet. Gjennomgått covid-19 gir gyldig koronasertifikat i 180 dagar (6 mnd). Det tilrås å ta ein oppfriskningsdose 6 mnd sidan covid-19 for å få gyldig koronaserifikat. 

For meir informasjon:

• Kor mange dagar det tek før koronasertifikatet er gyldig etter vaksinasjon finn du her
• Oppdatert informasjon om endringar i gyldigheit for koronasertifikat for fullvaksinerte finn du her
• Les om endringer i gyldighet for koronasertifikatet for fullvaksinerte på FHI her
• Les kva som gir status som fullvaksinert på FHI her