Frå sentralt hald er det sett opp prioritering over kva grupper som skal vaksinerast først. Voss herad fylgjer denne. I praksis betyr det at desse vert prioritert.

1. Bebuarar i sjukeheim og omsorgsbustad og utvald helsepersonell
2. Alder 85 år og eldre og utvalgte helsepersonellgrupper
3. Alder 75-84 år
4. alder 65-74 år og personar mellom 18 og 64 år med sjukdommar/tilstand med høg risiko for alvorleg forløp
5. Alder 55-64 år med underliggjande sjukdom /tilstand
6. Alder 45-54 år med underliggjande sjukdom /tilstand
7. Alder 18-44 med underliggjande sjukdom
8. Alder 55-64 år
9. Alder 45-54 år

Resten av befolkninga vil så verta vaksinert.

Vaksinane vil koma i fleire sendingar, slik at dei som er i prioriterte grupper får tilbod om vaksine etter kvart som heradet får vaksinane tilsendt.

Vaksinen er frivillig og gratis. Bebuarar på institusjon og i omsorgsbustader får tilbod om vaksine der dei bur, og treng ikkje tinga seg vaksine.

Voss herad legg opp til at alle andre innbyggjarar melder si interesse for vaksine digitalt, frå Voss herad si heimeside.
For dei som ikkje kan nytta digital tinging, vil dette kunne gjerast på telefon 900 89 662.

Voss herad oppmodar pårørande og andre om å bistå dei som treng hjelp med å melda seg.

Frå 02.02.21 kan alle over 65 år og personar mellom 18-65 med sjukdommar/tilstand med høg risiko for alvorleg forløp melda si interesse, enten på Voss herad si nettside eller på tlf 90089662. 

Når me får vaksinen vil dei som er prioritert få sms eller tlf om dato og tidspunkt for vaksinering.

Vaksineringa skjer i gymsalen til Voss ungdomsskule.

Bebuarar på sjukeheim og omsorgsbustad vert vaksinert der dei bur.