I år får du tilsendt digitalt valkort.

Å motta valkort er ei bekrefting på at du har rett til å røysta ved stortingsvalet. Tek du med deg valkortet i røystelokale går det raskare å registrere at du røyster.

Som veljar vil du få ein SMS med lenkje til valkortet (via Digipost/e-boks). Har du ikkje oppretta digital postkasse er valkortet tilgjengeleg på nettsida til Valdirektoratet.

Personar som har reservert seg mot elektronisk post i kontakt- og reservasjonsregisteret, eller som ikkje har oppdatert eller bekrefta kontaktinformasjonen sin i registeret dei siste 18. månadane, får valkortet tilsendt på papir.

Meir om valkort finn du på Valdirektoratet sine nettsider: Valkort

Vallova seier at alle veljarar må legitimera seg for å få avgje røyst, med mindre dei er kjent for røystemottakar. Dette er for å sikra gjennomføringa av prinsippet "ein veljar - ei røyst", og at røyster ikkje vert gjeve i andre personars namn.

Gyldig legitimasjon kan for eksempel vera pass, førarkort eller bankkort med bilete, men du kan og nytta anna type legitimasjon. Kravet er at legitimasjonen inneheld: 

• namnet ditt
• fødselsdatoen din
• gjenkjenneleg bilete av deg

Veljarar som på grunn av sjukdom eller uføre ikkje kan avgje røyst i førehandsrøystelokale, kan søkje om å røysta heima. Heimerøystinga skjer i veke 36, 4. - 8. september.

Søknaden må vera motteken innan fredag 8. september kl. 10:00. Du søkjer ved å ringa sentralbordet på telefon 56519400 i opningstida 09:00 - 15:00, eller ved å sende e-post til val.voss@voss.herad.no

Ved Kommunestyre- og fylkestingsvalget 2023 er det fire krav som må vera oppfylt for at du skal ha stemmerett.

• Norske statsborgarar som har fylt 18 år innan utgangen av 2023, som er eller har vore registrert i folkeregisteret som busett i Noreg.
• Statsborgarar i Danmark, Finland, Island eller Sverige som har fylt 18 år innan utgangen av 2023, og er registrert i folkeregisteret som busett i Noreg seinast 30. juni 2023.
• Personar som ikkje er norske statsborgarar, men som har fylt 18 år innan utgangen av 2023 og har vore registrert i folkeregisteret som busett i Noreg dei tre siste åra før valdagen.
• Ikkje ha mista stemmeretten din etter Grunnlova § 53

Tilsette i diplomatiet eller konsulatvesenet og husstanden deira har stemmerett sjølv om dei ikkje oppfyller busetjingskriteriet.

Du kan førehandsstemme i kva kommune som helst, men skal du stemme på valdagen må du gjera det i eit vallokale i kommunen du er manntallsført i.