Når du melder bekymring kan du velje å vere anonym. Barneverntenesta ynskjer helst at du seier kven du er, for det kan gjere saka truverdig. Offentlege meldrar som skule, barnehage, politi, lege eller liknande kan ikkje vere anonyme.

Offentlege myndigheiter, og ei rekkje yrkesutøvarar med profesjonsbestemt teieplikt, har plikt til å gje opplysningar til barneverntenesta når det er grunn til å tru at eit barn vert utsett for mishandling, andre former for alvorleg omsorgssvikt eller når eit barn har vist vedvarande alvorlege åtferdsvanskar, jf. Lov om barneverntenester § 6-4.

Opplysningsplikta inneber ei plikt til å melda frå til den kommunale barneverntenesta ved alvorleg bekymring. Det er eit sjølvstendig og personleg ansvar.

Privatpersonar har eit moralsk ansvar for å melda frå, men ikkje eit juridisk ansvar slik offentlege tilsette har.

Meldinga blir gjennomgått innan ei veke. Akuttsaker vert avgjort straks.

Barnevernet vil starta ei undersøking eller henleggja meldinga dersom ho heilt klart er grunnlaus.

Ei undersøkjing skal gjennomførast snarast og seinast innan tre månadar. Undersøkjinga skal vera tilpassa alvoret i saka, stå i forhold til innhaldet i meldinga og ivareta barnets beste.

Dersom undersøkjinga gir grunnlag for hjelpetiltak, skal barneverntenesta setja i verk tiltak etter lova.

Her kan du lesa meir om gangen i ei barnevernssak