Omsorgsbustad

Leige av omsorgsbustad er eit tidsavgrensa tilbod for innbyggarar som treng spesiell tilpassing grunna alder, bevegelse- eller utviklingshemming og ikkje klarar å skaffe eigna bustad sjølv eller med anna offentleg hjep.

Sjølv om helsetilstanden din er redusert og det er vanskeleg å bu heime, anten fordi det er utrygt, ikkje tilrettelagt eller einsamt å bu i eigen heim, er det ikkje sikkert du treng å flytta til ein omsorgsbustad. Til dømes kan tilskot til å tilpassa eigen bustad, kommunale hjelpemiddel, Nav hjelpemiddel eller kvardagsrehabilitering bidra til at du kan bu lengre heime og klara deg sjølv.

Slik søkjer du

Søk omsorgsbustad elektronisk

Søk omsorgsbustad per post:

Last ned søknadsskjema

Dette må du legge ved søknaden:

Dersom du søkjer på vegne av andre må du legge ved fullmaktskjema (PDF, 20 kB)
Skattemelding - du finn skattemeldinga di i innboksen i Altinn, den heiter "Skattemeldingen som dokumentasjon"
Lønnsslippar eller utbetalingar frå NAV for dei to siste månadane
Dokumentasjon på sosiale eller helsemessige forhold som kan ha verknad for søknaden. Ved søknad om omsorgsbustad skal legeopplysningar av nyare dato leggjast ved søknaden.

Tilrettelagt omsorgsbustad

Tilrettelagt omsorgsbustad er universelt utforma og utan bemanning. Du kan søkja om heimetenester.

Kven kan få innvilga søknad?

Du som grunna funksjonstap eller andre årsaker ikkje har moglegheit for å tilpassa eigen bustad og har behov for varig og omfattande helse- og omsorgstenester.

Oversikt over bustadene

på Voss:

Rognshagen
Sosialbygget
Oppheimsvegen

i Granvin:

Eidesvegen
Stasjonsvegen
Hardangervegen

Døgnomsorgsbustad

Døgnomsorgsbustad er leiligheit i bufellesskap som har døgnbemanning. Tenestene i bustadene ytast av anten heimetenesta, avdeling for menneske med nedsett funksjonsevne eller avdeling for psykisk helse og rusarbeid.

Kven kan få innvilga søknad?

Du som er varig ute av stand til å ta vare på deg sjølv, og i liten grad meistrar dagleglivets gjeremål grunna psykisk eller fysisk funksjonstap.

Avdeling for psykisk helse og rusarbeid yt tenester i døgnomsorgsbustader for deg som treng ekstra mykje hjelp og tryggleik til å meistre kvardagen din. Omsorgsbustadene er bemanna dag/kveld med moglegheit for heimetenester på natt.

Avdeling for menneske med nedsett funksjonsevne yt tenester i døgnomsorgsbustader for deg med funksjonsnedsetting. Avdelinga har mange ulike aktivitetar i løpet av veka og bebuarane får tilbod om turar til skogs og fjells, konsertar, teater, kino, tilpassa symje- og ridegrupper.

Husleige

Lover

Ikkje lovpålagd teneste.

Opphald i omsorgsbustad vert regulert gjennom husleigekontrakt, jf. Husleigelova. Tildeling av omsorgsbustad er eit enkeltvedtak med dei rettar og plikter som fylgjer av forvaltingslova.

Lov om behandlingsmåten i forvaltningssaker (forvaltningslova)

Lov om husleieavtaler (husleieloven)

Forskrift om en verdig eldreomsorg (verdigheitsgarantien)