Kva kan me gjera for deg?

Ein ergoterapeut kjem på besøk heim til deg og vurderar heimen din.

Tekniske hjelpemiddel: Ergoterapitenesta samarbeidar med Nav Hjelpemiddelsentral og kan bistå med søknad om lån av til dømes rampe, trappeheis, osv.

Større ombyggingar: Ergoterapeuten formidlar kontakt med finansieringsordningar frå Husbanken og Nav.

Du kan få tilskot til tilpassing både i eigd og leigd bustad. I leigebustad må huseigar godkjenna arbeidet som skal gjerast. Tilskot kan kombinerast med startlån og tilskot frå Hjelpemiddelsentralen (Nav).

• endra/betra tilkomst til bustaden
• tilpassing/ombygging av rom - til dømes bad, der det må vera plass til rullestol
• arbeid/ombygging i samband med trappeheis

Tilskot som er økonomisk behovsprøvd:

Det skal alltid vurderast om det er mogleg å finansiere tilpassinga via eigne midlar eller banklån før ein vurderer tildeling av behovsprøvd tilskot.

• bustadtilskot til utgreiing og prosjektering (til leige av ekstern hjelp ved større og omfattande ombyggingar)
• tilskot til tilpassing
• tilskot til etablering

Tilskot som ikkje er økonomisk behovprøvd:

Nav Hjelpemiddelsentral kan gje tilskot til ombygging i staden for trappeheis, løfteplattform eller rampe. Ombygginga skal gje varig tilgjenge i eigen bustad.

Kven kan få tilskot?

• Husstandar eller einskildpersonar som har behov for tilpassing av bustad
• Barnefamiliar har høg prioritet
• Eldre som har behov for førebyggjande tilpassingstiltak

Kva forventar me av deg?

Dersom det er behov for større ombyggingar, har du sjølv/pårørande ansvar for å fylgja opp byggprosessen. Til dømes kontakta private byggfirma og fylla ut søknadar.

Last ned brosjyra Funksjonell bustad heile livet! (PDF, 6 MB)