Korona- og influensavaksinasjon

Tilrådingar om koronavaksinasjon og influensavaksinasjon for haust- og vintersesongen 2024–2025.

Koronavaksine er tilrådd for:

  • 65 år og eldre
  • 18-64 år som inngår i ei risikogruppe
  • 12- 17 år med alvorleg grunnsjukdom
  • born 6 månader – 11 år med alvorleg grunnsjukdom dersom barnets lege vurderer dette 
    som viktig
  • gravide i 2. og 3. trimester. Vaksinasjon i 1. trimester kan vurderast dersom den gravide har 
    tilleggssjukdommar som gjev auka risiko.
     

Influensavaksine er tilrådd for:

  • bebuarar i omsorgsbustader og sjukeheimar
  • alle frå fylte 65 år
  • gravide etter 12. svangerskapsveke (2. og 3. trimester). Gravide i 1. trimester med annan 
    tilleggsrisiko skal òg få tilbod om influensavaksine
  • prematurt fødde barn, særleg barn fødd før veke 32 i svangerskapet, frå 6 månader 
    (kronologisk alder) til 5 år.
  • barn og vaksne med:
    • kronisk lungesjukdom (inkludert astma)
    • hjarte- og karsjukdom (anna enn velregulert høgt blodtrykk)
    • diabetes type 1 og 2
    • leversvikt eller nyresvikt
    • kronisk nevrologisk sjukdom eller skade, spesielt personar med nedsett 
      lungekapasitet og/eller hostekraft
    • nedsett immunforsvar som følgje av sjukdom eller behandling av sjukdom (t.d. 
      organtransplanterte, kreft, hiv, reumatoid artritt og andre sjukdommar)
    • svært alvorleg fedme (KMI over 40)
    • annan alvorleg og/eller kronisk sjukdom der influensa utgjer ein alvorleg helserisiko, 
      etter individuell vurdering av lege (t.d. personar med medfødde kromosomavvik, 
      genetiske syndrom og samansette kromosomavvik som ikkje er klassifisert andre 
      stader)

I tillegg er influensavaksine tilrådd:

  • helsepersonell og andre tilsette i helse- og omsorgstenesta som har nær kontakt med 
    pasientar ved behandling eller pleie
  • personar som bur saman med (eller er tilsvarande nære) immunsupprimerte
  • svinerøktarar og andre som har regelmessig kontakt med levande griser
  • saneringspersonale og andre som jobbar med mistenkt eller stadfesta influensasjuk tamfugl

 

Generell informasjon

  • vaksinane kan setjast samtidig- eller med minst sju dagar mellom vaksinane
  • koronavaksine er gratis, influensavaksine betalar ein for
  • hugs å ta på kle som er enkle å ta av før vaksinering (unngå knepping og tronge genserar)

 

Ting time:

APOTEK 1 VANGSGATA tlf. 56 53 04 40

VITUSAPOTEK VOSSEVANGEN tlf. 56 53 07 77

For vaksinasjon hjå fastlege, ta kontakt med ditt legekontor.

Kontakt Helsestasjonen for å avtale time til vaksinasjon av born under 16 år på tlf. 56 53 30 40

Samtykke frå føresette skal føreligge ved vaksinasjon. Begge føresette skal samtykke digitalt eller fylle ut samtykkeskjema (PDF, 46 kB).

 

Les om tilrådingar og tilbod om koronavaksinasjon for born og unge på FHI sine nettsider

Nasjonale råd og retningsliner

Voss herad har sidan koronautbrotet i mars fylgd dei råd og retningsliner som kjem frå nasjonale helsestyresmakter. Det betyr at det ikkje er innført strengare retningsliner enn det som er skissert frå FHI og Helsedirektoratet.