Dette er eit felles søknadsskjema for helse- og omsorgstenester i Voss herad. 

Tildelingskriteriane for helse- og omsorgstenester (PDF, 464 kB)

Dette må du ha før du søkjer

• Du må ha ein legeattest å legge ved søknadsskjemaet
• Dersom du søkjer på vegne av andre må du ha fullmakt

Slik søkjer du

I søknaden beskriv du dine behov og kva du treng hjelp til, så vurderer kommunen i dialog med deg kva tenester som kan passe. Andre kan søkje for deg om du ikkje er i stand til å søkje sjølv. Legg ved fullmakt skjema i søknaden din.

Søknadsskjemaet (PDF, 106 kB) må underskrivast og sendast i posten til:

Forvaltningskontoret
v/ Voss sjukeheim
Sjukehusvegen 15
5704 Voss

Søk helse- og omsorgstenester elektronisk 

Når får du svar på søknaden?

Me forsøker å gje deg svar innan 4 veker. Dersom du ikkje får svar på søknaden innan 4 veker får du skriftleg melding med opplsyningar om når du kan vente svar på søknaden.

Slik behandlar me søknaden din

Me hentar inn relevante opplysningar og kartlegger situasjonen din før me vurdera søknaden din. Me vil kontakte deg for å snakke med deg om søknaden, og avtale eit heimebesøk om det vert vurdert som naudsynt i høve til kartlegginga.

Klage helse- og omsorgstenester

Får du ikkje tilbod om helse- og omsorgstenester, eller får eit anna tilbod enn du argumenterte for i søknaden, vil me gje deg ei grunngjeving for dette. Du kan klaga innan 4 veker etter du har mottatt vedtaket. I vedtaket får du informasjon om korleis du klagar og klagefrist. Andre kan etter fullmakt klaga for deg.

Dersom avgjersla vert opprettheldt, går klagen vidare til Fylkesmannen (lovpålagde tenester) eller heradet si klagenemnd (ikkje lovpålagde tenester). Klageinstansen avgjer då om klagen vert tatt til fylgje.

Spørsmål eller rettleiing?

Ta kontakt med Forvaltningskontoret på telefon 56 52 13 00 / 04 eller e-post

Dette er eit søknadsskjema om å leige kommunal bustad i Voss herad, fornye leigekontrakt eller byte kommunal bustad.

Dette må du legge ved søknaden

• skattemelding - du finn skattemeldinga di i innboksen i Altinn, den heiter "Skattemeldingen som dokumentasjon"
• lønnsslippar eller utbetalingar frå NAV for dei to siste månadane
• dokumentasjon på sosiale eller helsemessige forhold som kan ha verknad for søknaden, ved søknad om alders- eller omsorgsbustad skal legeopplysningar av nyare dato leggjast ved søknaden

Slik søkjer du

Kor stor bustad du får tildelt vil vera avhengig av husstanden sin storleik. Andre kan søkje for deg om du ikkje er i stand til å søkje sjølv. Legg ved fullmakt skjema i søknaden din.

Søknadsskjemaet (PDF, 3 MB) må underskrivast og sendast i posten til:

Forvaltningskontoret
v/ Voss sjukeheim
Sjukehusvegen 15
5704 Voss

Søk kommunal bustad elektronisk

Når får du svar på søknaden?

Me forsøker å gje deg svar innan 4 veker. Dersom du ikkje får svar på søknaden innan 4 veker får du skriftleg melding med opplsyningar om når du kan vente svar på søknaden.

Klage kommunal bustad

Får du ikkje tilbod om kommunal bustad, eller bustaden ikkje er egna med omsyn til type bustad, tal rom, fysisk tilgjenge til bustad og lengde på vedtak under 3 år, vil me gje deg ei grunngjeving for dette. Bustaden si adresse vil vanlegvis ikkje vera sakleg grunn. Du kan klaga innan 3 veker etter du har mottatt vedtaket. I vedtaket får du informasjon om korleis du klagar og klagefrist.  Andre kan etter fullmakt klaga for deg.

Spørsmål eller rettleiing?

Ta kontakt med bustadkonsulent på telefon 918 74 227 eller dei ulike helse- og omsorgsavdelingane.