Det ligg i «Vossa-sjela» å vere dristige og framsynte. Det er difor naturleg at Voss herad også skal vere pådrivarar og ha ei offensiv tilnærming til digitalisering og innovasjon som er av nytteverdi for både organisasjonen og innbyggjarane våre. Samstundes må me vere realistiske med omsyn til økonomiske forhold, kapasitet og kompetanse, mm. Dette handlar om rammene me må forholda oss til, og kva handlingsrom me har innanfor desse rammene. Me har moglegheiter til å påverka dette handlingsrommet, og i tida 2021 – 2023 skal me fokusere på dei endringane me kan gjere internt som vil gje oss dei rette føresetnadane for å stå stødig når me skal inn i framtida.