Passar for: Barn og unge i alderen 7 - 17 år, med mild til moderat angstproblematikk. 

Angst kan kome til uttrykk på mange vis, til dømes sjenertheit, sosial tilbaketrekking, frykt for å vere vekke frå foreldre, utryggheit ved ukjende situasjonar, frykt for bestemte situasjonar eller objekt osb. Hjå barnet eller ungdommen kan dette gi symptom som magesmerter, pustevanskar, skjelving, kvalme, svimmelheit, søvnvanskar, tankekaos, bekymringstankar, hovudpine med meir. Det er lett å søkje unngåing av det som gjer ein redd og engsteleg, for å unngå ubehagelege symptom. Cool Kids vil hjelpe familiane til å støtte barnet/ ungdommen i å utfordre, tørre og tole meir av dette ubehaget – for å gi ein betra funksjon og meir meistring i kvardagen. Her kan du lese meir om Cool Kids.