Det å vera foreldre i tillegg til alt anna som skal koordinerast i heimen, kan skapa krevjande periodar.  Dette kurset kan vera noko for dykk, dersom de kjenner dykk att i nokre av punkta under:  

• du er ein forelder som har vanskar med å samarbeida med din partnar. 
• de ofte enda opp med meir krangel enn samhandling i heimen. 
• saknar at de er eit team i heimen og opplev at din partnar ikkje forstår deg. 
• de har samarbeid kring born i to heimar, og ynskje betre overgangar ved levering av borna. 
• de saknar nokre felles reglar, eller de treng hjelp til korleis å få til eit godt foreldreskap kring borna i to heimar.  

Me ynskje å koma tidleg inn til foreldre som har ein krevjande kvardag med kommunikasjonen seg i mellom.  Dette for å mobilisera dei beste ressursane hjå dykk foreldre, som kan betra situasjonen for dykk vaksne. Dersom de vaksne får det betre, vil borna få ein betre kvardag og ein betre barndom å sjå tilbake på. 

Forskning syner at barn som lev med vedvarande konflikt i heimen/-eller mellom foreldre, dårleg stemning mellom foreldra, er meir sårbarheit i høve å utvikla smerteuttrykk som sinne, resignasjon, utagering, vanskar med konsentrasjon, vanskar med å setja ord på følelsar og manglande framtidshåp jf.  FHI (2025) Hjemmeforhold og familiekonflikt  

Me tilbyr to ulike kurs: 

• Eit for foreldre som bur ilag, men strevar med kommunikasjonen i heimen. Begge foreldra kjem ilag til kurset. Dette kurset går over 4 timar fordelt over to dagar. 

• Eit kurs for foreldre som ikkje bur ilag. Her kjem foreldra kvar for seg. Kurset vert halden for kvar av forelder med to kurshaldarar. Dette kurset går over 4.timar fordelt over to dagar. 

Innhald i kursa: 

Del 1: har me fokus på foreldreperspektivet, kva kan eg som forelder gjera for å skåna meg sjølv og borna/ Korleis kan me vera eit team i heimen- 2timar. 

Del 2: barneperspektivet, kva kan ein som forelder gjera for at borna får ei god utvikling og barndom til trass for det vanskelege- 2 timar.