Kva er målet med kurset?

Kurset gjev deg verktøy og teknikkar for å:

• redusere graden og varigheita av depresjon
• førebyggje nye depressive periodar
• endre tankemønster og handlingsmønster som held oppe nedstemtheit

Kva lærer du?

• Korleis tankar, kjensler og åtferd påverkar kvarandre
• Kognitive teknikkar for å bryte negative tankemønster
• Praktiske øvingar og heimearbeid mellom samlingane

Vanlege symptom på depresjon

• Fråvær av glede, kjensle av nedstemtheit
• Sosial tilbaketrekking og inaktivitet
• Nedsett sjølvkjensle og kjensle av verdiløyse
• Konsentrasjonsvanskar og minneproblem
• Søvnvanskar og uro
• Grubling og irritabilitet

Kven passar kurset for?

Kurset er for deg som:

• har mild eller moderat depresjon
• kjenner deg nedstemt på ein måte som påverkar livskvaliteten
• er over 20 år og klar for å gjere ein innsats sjølv

Korleis er kurset lagt opp?

Illustrasjon: Ann Fiske, Rådet for psykisk helse

• Kurset går over 10 veker
• Éi samling i veka, 2,5 time kvar gong
• Du får kursbok og jobbar med øvingar mellom samlingane
• Kurset er utvikla av fagpersonar og byggjer på kognitiv metode
• Det tek utgangspunkt i boka Kurs i mestring av depresjon og vert distribuert av Rådet for psykisk helse

Informasjon til tilvisande lege eller behandlar

• Målgruppa er personar med milde til moderate symptom på depresjon
• Kurset passar ikkje ved rusproblematikk, sjølvmordsfare eller psykoselidingar
• Det kan nyttast åleine eller i kombinasjon med medikamentell behandling og/eller samtaleterapi
• Deltakarar må ha evne til å konsentrere seg og følgje opp kurset

Pris

Du finn prisoversikta her:

Prisoversikt

​Påmelding og oppstart

For å delta på kurs eller få oppfølging, må du først ha ein oppstartssamtale med frisklivskoordinator.
I samtalen finn me saman ut:

• kva du treng og ynskjer
• kva mål du har for livsstilen din
• kva oppfølging som passar for deg

Etter samtalen vert det avgjort, i lag med deg, om du får tilbodet.

Kontakt oss

Telefon: 906 73 035 
E-post: friskliv@voss.herad.no

Du kan også lese meir hjå Rådet for psykisk helse: Rådet for psykisk helse