Kva handlar kurset om?

Sunn aldring er eit kurs der du får lære korleis du kan ta vare på helsa di når du er komen i pensjonsalderen. Du får innsikt i korleis gode kvardagsvanar kan bidra til betre kosthald, betre fysisk funksjon og meir livsglede i det daglege.

Målet med kurset

Målet er å støtte deg i å leva eit aktivt, sosialt og godt liv som pensjonist.
Du får:

• kunnskap om kva som fremjar god helse
• tips for gode levevanar
• inspirasjon til auka aktivitet og deltaking
• verktøy til å gjera små endringar som kan gje stor gevinst i kvardagen

Kven passar kurset for?

Kurset passar for deg som:

• ønskjer å førebyggja helseplagar i eldre år
• vil lære meir om kosthald, fysisk aktivitet og søvn
• vil ta vare på eigen helse i kvardagen
• ønskjer å møte andre i same livssituasjon og dele erfaringar

Korleis er kurset lagt opp?

Kurset består av fem samlingar à 2,5 time med desse tema:

• Bli kjent og kvardagsglede
• Fysisk aktivitet
• Kosthald
• Søvn
• Oppsummering og vegen vidare

Pris

Du finn prisoversikta her:

Prisoversikt

​Påmelding og oppstart

For å delta på kurs eller få oppfølging, må du først ha ein oppstartssamtale med frisklivskoordinator.
I samtalen finn me saman ut:

• kva du treng og ynskjer
• kva mål du har for livsstilen din
• kva oppfølging som passar for deg

Etter samtalen vert det avgjort, i lag med deg, om du får tilbodet.

Kontakt oss

Telefon: 906 73 035 
E-post: friskliv@voss.herad.no
Adresse: Hagahaugvegen 30

Du kan også lese meir hjå Rådet for psykisk helse: Rådet for psykisk helse