Pianokonkurransen er for barn og unge født etter 2006, og vert arrangert av Bergen kulturskule. Laurdag 22. november vart årets førsteplass delt ut, og den gjekk altså til Nikolai Tuchto, elev ved Voss kulturskule!

Vil takka Voss kulturskule

Familien vil retta ein stor takk til dei to pianolærarane, John Taylor og Marisa Taylor, ved Voss kulturskule som har vore god støtte for Nikolai på vegen. 

– Deira støtte, tålmodigheit og dedikasjon har vore uvurderleg, skriv familien til Nikolai i ein takkemelding til Voss kulturskule. 

Vidare skriv familien at dei er utruleg stolte og takknemlige for arbeidet som er gjort. 

– Dette viser kor mykje talent, dedikasjon og hardt arbeid som fins lokalt, frå elevar, lærarar og heile kulturskulemiljøet.

Me er heilt einige, og gratulerer Nikolai så mykje med den gjeve prisen!