Påmelding på Voss Herad si heimeside via Kultur, idrett og fritid.
De kan koma med ynskje i påmeldinga.
Aldersgrense: Frå 9 år.
Utmelding: På epost til oddvar.nostdal@voss.herad.no
Undervisninga foregår i rockerommet i kulturhuset. Her kan du læra å spela i band. Greitt om du kan litt frå før. Alder frå omlag 4-5 klasse. Ta kontakt for spørsmål.
Organisering:
Voss Kulturskule har skuleåret 21/22 sju band med elevar i alderen 8 til 16 år. Øvingane er organisert i økter på 45 min for alle gruppene, unntatt for åtteåringane, dei øver i 30min.
Kvart band har fire eller fem elevar og er sett saman av elevar som på nokolunde lik alder og likt nivå. Me prøver også å ha ein høveleg kjønnsfordeling i banda.
Nokre av gruppene er organiserte etter «rett i band»-konseptet, dvs at elevane rullerer på dei ulike instrumenta i bandet og lærer å spela litt på alle. Dei andre har elevar som har spesialisert seg på sitt instrument.
Elevane tek del i konsertar og framføringar i regi av kulturskulen og på arrangement elles i bygda.
Øvingane går føre seg i Rockerommet på Kulturhuset med instrumenta og utstyret som står der. Erlend Styve og Olav Undeland er lærarar.
Mål for undervisninga:
Generelt:
- meistra akkord- og riffbasert akkompagnement til kjente pop- og rockelåtar frå historia.
- kunna lesa besifring og så langt det er råd kunna låtane dei spelar utanåt.
- Dei skal kjenna til korleis kompet er bygd opp i eit rockeband med trommer, bass, gitarar og ev piano.
- Gjennomføra lydprøve og framføra musikken sin på konsert.
- Kjenna til viktige verk frå pophistoria.
På instrumenta:
Gitar:
- Kunna powerchords, barre-grep og vanlege, opne akkordar på gitar.
- Spela etter besifring.
- Finna «sin» plass i kompet.
- Kunna kobla til ein gitarforsterkar og skru til høveleg lyd.
- Kunna stemma ein gitar med stemme-app på telefonen.
- Kunna kjente gitarriff.
Trommer:
- Kunna dei vanlegaste trommegroovane.
- Kunna spela trommer i takt med resten av bandet og halda ein stødig rytme..
- Utvikla høveleg teknikk med stikkene.
Bass:
- Finna tonane på bassen, spela etter besifring.
- Nytta høveleg teknikk i spel.
- Spela i groove med resten av bandet.
- - Stemma bassen etter stemmeapp på tlf.
- Kobla til og skru høveleg lyd.
Piano:
- Spela akkordar etter besifring med to hender.
- Velja høveleg lyd på elpianoet.
- Finna høveleg rytmikk i samspel med bandet.
Song:
- Læra seg songane utanåt.
- Kobla til mikrofon til songanlegg, stilla høveleg lyd.
- Syngja med liv og lyst framfor eit publikum.
Arbeidsmåtar:
- Innøving av låtar steg for steg med band og lærar.
- Heimelekser med å læra seg særskilte delar av songane.
- Terping til det sit utanåt.
- Samtale om tempo, dynamikk og val av rytmikk i kompet.
- Øving fram til framføringar og konsertar – låtane skal framførast som band framfor publikum.
Forventningar:
Lærar:
- Stiller budd til øving og vel ut reportoar i samråd med elevane som har høveleg nivå til kvar gruppe. Arrangerer konsertane og ser til at alle er godt budde.
Elev/fråver:
- Øver og bur seg til øvingar og konsertar. Kjem presis og gjev beskjed ved fråver.