Postliste / innsyn frå 07.06.2022
Postliste / innsyn 01.01.2020–06.06.2022
Innsyn i sakshandsaminga aukar innbyggjarane sitt engasjement for lokaldemokratiet, og gjer moglegheit til å kontrollera og påverka heradet si verksemd. Finn du likevel ikkje saka di i postlista kan det ha fleire årsaker.
Du kan og be om innsyn i dokument som er unnateke offentlegheita ved å kontakta Innbyggjarservice. Heradet praktiserar meiroffentlegheit, og kan gje innsyn etter at tausheitsbelagde opplysningar er sladda vekk. Men berre så lenge resterande del av dokumentet ikkje gjer eit misvisande bilete av innhaldet, eller at dei sladda opplysningane ikkje utgjer størsteparten av dokumentet.
I enkelte tilfelle kan ikkje heradet offentleggjera dokument i fylgje lovverket, medan det i andre tilfelle skal vurderast. Krav om innsyn i sak eller dokument må gjelde ei bestemt sak eller i rimeleg utstrekning saker av ein bestemt art.
Dersom du søker om innsyn i personarkiv på vegne av anna person må du ha skriftleg fullmakt om innhenting av opplysingar frå den innsynet gjeld.
Lov om behandlingsmåten i forvaltningssaker
Lov om rett til innsyn i dokument i offentleg forvaltning
Arkivplan Voss herad
Heradet har ingen lovbestemt plikt til å publisera dokument på internett, og har ei bevisst haldning til kva som vert publisert og kva konsekvens dette kan få for den enkelte.
Enkelte dokument vert av personhensyn ikkje publisert på internett, sjølv om dei ifylgje lovverket er offentlege dokument. Desse dokumenta er merka med knapp Be om innsyn og ein hengelås i postlista:
Desse dokumenta vert ikkje publisert på internett (uutømmeleg liste):
- dokument som inneheld lønsopplysingar knytta til enkeltpersonar
- dokument vedrørande barnehage- og sfo-plass
- dokument i personarkiv
- dokument som etter skjønsmessig vurdering ikkje eignar seg for publisering på nett, avdi dei til dømes inneheld sjikaneliknande påstandar eller røpar private opplysingar om avsendar eller andre privatpersonar
Postlister (oversikt over alle inn- og utgåande dokument ein spesifikk dag) til dokument som vert registrert i våre fagsystem ligg ikkje på internett. PPT, pleie og omsorg, barnevern og NAV er eksempel på avdelingar som nyttar slike fagsystem.
Når postlista ikkje ligg på internett kan du heller ikkje søkja opp dokumenta. Kontakt aktuell avdeling dersom du ynskjer få tilsendt postlista. Dei fleste dokumenta på desse postlistene vil vera unnateke offentlegheita
Dokument i elevarkiv, barnemapper og personalarkiv vert arkivert i eigne elektroniske delarkiv, og postlistene frå desse delarkiva er ikkje tilgjengeleg på internett. Du har rett til å be om å få tilsendt postliste, men dei fleste dokumenta vil vera unnateke offentlegheit. Dersom du er part i saka har du innsynsrett i opplysingar om deg sjølv.
På Tinghuset fins papirarkiv frå perioden 1999 til 2015. Dei eldre arkiva er avlevert Interkommunalt arkiv i Hordaland (IKAH). Du kan tinge innsyn i avleverte papirarkiv på bestilling opplysingar frå IKAH og få tilgang til arkiva på IKAH sin lesesal i Bergen.
Dei eldste møteprotokollane våre (meir enn 100 år gamle ) er digitaliserte og tilgjengelege for publikum på Digitalarkivet her : Arkivkatalogar og digitalisert materiale
Nyttige lenkjer: