Årsmeldinga finn du her: lenkje 

2025 har vore eit år prega av både nødvendig omstilling og viktige resultat for Voss herad. Me har halde fram med å levera gode tenester til innbyggjarane våre, samstundes som me har arbeidd målretta med å styrkja organisasjonen og tilpassa drifta til meir krevjande økonomiske rammer.

Eit særleg viktig resultat i 2025 er utviklinga i sjukefråværet. Frå å liggja over landsgjennomsnittet i 2024, har me i 2025 klart å redusere fråværet til eit nivå under landsgjennomsnittet. Dette er eit resultat av systematisk arbeid i heile organisasjonen, og det styrkjer både kvaliteten i tenestene og robustheita vår som arbeidsgjevar.

Etter fleire år med utfordringar, og eit underskot på nær 28 millionar kroner i 2024, har me i 2025 oppnådd eit netto positivt driftsresultat. Dette er det første året sidan 2022 med positivt resultat, og det viser at tiltaka som er sette i verk byrjar å gi effekt. Samstundes er det viktig å understreka at den økonomiske situasjonen framleis krev stram prioritering og langsiktig styring.