Kimm Saatvedt/Det kongelige hoff

Klokka 13 i dag er det eitt minutt stille over heile landet for å minnast Kong Harald V. Dette markerer også starten på seremonien i Oslo Domkirke, der bisetjinga skjer. 

Sørgeperioden vert avslutta med salutt frå Akershus festning i ettermiddag. Fram til dette vil Voss herad flagga på halv stang ved alle kommunale bygg med flaggstang. Når sørgeperioden er over, vert flagga heiste til topps. 

Voss herad har hatt kondolanseprotokollar ute på Voss tinghus, Granvin sjukeheim, Voss sjukeheim, Vossestrand omsorgstun og Vetleflaten omsorgssenter. Desse vert etter sørgeperioden samla inn og sendt til Slottet.

Ved flaggstanga utanfor Voss tinghus er det lagt ned blomar og kort. Korta er fortløpande samla inn og tatt vare på av arkivet i Voss herad. Blomane er fotografert, og fotomaterialet vert arkivert. 

Voss herad takkar for all deltaking i sørgeperioden, og for all omtanken innbyggjarane har vist etter at Kong Harald V døydde fredag 28. august. 

Gravferda vert vist på mellom anna NRK sine kanalar.