Det er varsla 60 til 80 millimeter regn, lokalt 80-100 millimeter regn. Dette gjer at faren for flaum og skred aukar, og det er venta at det både kan koma skred og verta redusert framkommelegheit på veg og bane. For Voss herad sin del ser det ut til at sidevassdrag og grusvegar som vert mest råka. 

Voss herad fylgjer situasjonen, og vil auka beredskapen dersom nye varsel tilseier at det er nødvendig. 

Voss herad oppmodar alle om å sjekka rundt eigen eigedom for å sikra at stikkrenner, kummar og bekkar er mest mogleg frie for at vatnet kan gå der det skal. 

Ser du noko som kan føra til at vatnet kjem på avvege, hjelp oss med å halda vassvegen open om du kan.

Unngå ferdsel i skredfarleg terreng og følg med på varslingane på varsom.no.

Skal du ut på vegen, så hald deg oppdatert på vegvesenet sine sider