Føretak som driv jordbruksareal kan søkje om tilskot til drenering av tidlegare drenert jordbruksjord. Kommunane får årleg ein pott til fordeling av tilskot. I år er fyrste gongen Voss herad har brukt opp denne potten. 

det er viktig med god planlegging av dreneringsprosjekt, slik at ein får mest mogleg ut av investeringane. Nytt gjerne fagfolk til å planlegge grøftene.

Staten yt tilskot til drenering av jordbruksjord og kommunane får årleg ein pott til dreneringssøknadar. Voss herad har i 2026 tildelt om lag kr 320 000 til formålet. No er tildelinga førebels stengt. Me rår til at dersom du planlegg dreneringsprosjekt, er det gunstig å få denne levert så snart som råd. Du vil då verte lagt i kø når ny tildeling kjem, sannsynlegvis i januar/februar 2026.

Tilskot: kr 61 pr meter eller kr 4000,- pr dekar

Vilkår og krav til søknad: Søkjar må ha ei plan for tiltaket med kart, beskriving av tiltaket og miljøverknaden. Det kan ikkje gjevast tilskot dersom tiltaket medfører skade for annan eigedom, naturmangfald, flaum, ureining eller skade på automatisk freda kulturminne. Prosjekt som er påbegynt eller gjennomført, kan heller ikkje motta tilskot. Søknadsskjema og meir info her

Det er gledeleg at tilskotet til drenering er nytta, då det viser at det er stor interesse for å gjennomføre dreneringsprosjekt.  Godt drenert jord med riktig vassinnhald er viktig for plantane sin evne til å nytte tilført gjødsel, avlingsnivå,  kvalitet og dermed økonomi. Det er og viktig med godt drenert jord for å unngå overflateavrenning av næringsemne og unødvendig utslepp av klimagassar frå produksjonen.  

Ta gjerne kontakt med landbrukskontoret om du har spørsmål.