IHM er blitt ein del av BIR Voss Hardanger frå 2024. Nettsida vil bli oppdatert. 

Verksemda: 
Indre Hordaland Miljøverk (IHM) er eit interkommunalt selskap, skipa av kommunane Eidfjord, Granvin, Jondal, Ullensvang, Ulvik og Voss med heimel i kommunelova § 27. Verksemda vart omdanna til eit interkommunalt selskap, registrert 20.11.2002 med dei same deltakarane. I 2020 meldte Ullensvang og Jondal seg ut av verksemda i samband med kommunereforma.

IHM utfører oppgåver innan avfallssektoren som kommunane er pålagde etter forureiningslova. Desse oppgåvene er delegerte til IHM ved selskapsdanninga. Gjennom dei etablerte ordningane for gjenvinning og slutthandsaming arbeider IHM for å nå dei mål som styresmaktene har sett for avfallspolitikken. Det vert også arbeidd for å påverke rammevilkåra når IHM meiner det er til gagn for bransjen og selskapet. IHM arbeider også innan tilgrensande område og er opptatt av næringslivet si haldning til – og utnytting av ressursar.

Føremål:
Føremålet med selskapet er at dette skal overta medlemskommunane sine rettar og plikter etter gjeldande lover og føresegner for renovasjon og avfallsbehandling, slik som: minimering, sortering og gjenvinning av avfall, oppsamling, innsamling og transport av avfall og behandling av restavfall. Ansvar, rettar og plikter kan overførast stegvis. Selskapet skal legge særleg vekt på økonomisk og miljøvenleg drift i alle ledd i avfallsbehandlinga. Selskapet kan søkje samarbeid med andre kommunar, regionar og selskap der dette er naturleg.