Arbeidsområde

Administrasjonsutvalet er heradet sitt utval i personal- og organisasjonssaker og har som arbeidsområde dei oppgåver som har samband med heradet sin arbeidsgjevarfunksjon.

Arbeidsområde for Administrasjonsutvalet omfattar:

• Rutinar, planar, retningsliner og strategiar
• Arbeidsgjevarpolitikk
• Handsama KS sitt årlege debatthefte

I saker der administrasjonsutvalet utøver si rolle som arbeidsgjevar, t.d. i spørsmål knytt til lønstingingar, høyringar og uttalar, skal ikkje tillitsvalde vera representerte.

Avgjerdsrett

Administrasjonsutvalet har avgjerdsrett i alle saker innan sitt saklege arbeidsområde og etter dei retningsliner som er fastsett i lov og avtale, i medhald av lov og avtale, eller vedteke i heradsstyret m.a.:

1. Utarbeida og vedta personalpolitiske retningsliner
2. Vedta retningsliner t.d. etiske retningsliner, varslingsrutine, Akan-reglement
3. Andre saker som heradsstyret delegerar til utvalet

Innstilling

Utvalet har innstillingsrett i alle saker innan arbeidsområde til utvalet, som utvalet sjølv ikkje har avgjerdsrett i.

Utvalet vel sjølv mellom sine medlemar ein saksordførar som legg saka fram for heradsstyret.

Avgrensingar i avgjerdsretten:

1. Saker som ved lov er lagd til heradsstyret eller andre organ å avgjera
2. Saker som heradsstyret sjølv har bestemt skal avgjerast av heradsstyret
3. Saker som omfattar fleire utval
4. Vesentlege og prinsipielle saker må vurderast i kvart høve

Mindretalsanke

Eit mindretal på minst tre medlemar kan bringa ei kvar sak inn for heradsstyret som ikkje gjeld einskildvedtak.

Meldingar/ rapport.

1. Utvalet legg fram rapporter som heradsstyret ber om.