Målsetjing

Ungdomsrådet skal:

1. Vera eit rådgjevande organ i saker som vedkjem dei unge.
2. På eige initiativ ta opp saker som vedkjem born og unge sine interesser i kommunen.
3. Stimulera til samfunnsengasjement, medverknad og demokratisk deltaking mellom ungdom.
4. Leggja til rette arenaer der ungdom generelt kan få uttala seg om relevante saker, gjerne også ved hjelp av sosiale media.
5. Disponera tilgjengelege midlar etter retningslinjer fastsett av ungdomsrådet.
6. Setja søkjeljos på å skapa identitet til eigen kommune.

Samansetjing og val.

Ungdomsrådet skal vera samansett av ungdom i ulike aldrar, med ulik erfaring og utdanning.

Heradsstyret vel Ungdomsråd etter innstilling frå Valnemnda. (jf kommunelova § 5-12). Ordførar får mynde til å mellombels godkjenna val av representantar til Ungdomsrådet i valperioden.

Ungdomsrådet skal ha 12 representantar i alderen 13 – 19 som fordeler seg slik:

• 2 representantar og 2 vara i rekkje frå Voss gymnas
• 2 representantar og 2 vara i rekkje frå Voss vidaregåande
• 1 representantar og 1 vara frå Vangen ungdomsskule
• 1 representantar og 1 vara frå Vossestrand ungdomsskule
• 1 representantar og 1 vara frå Granvin ungdomsskule

Ungdommane sine elevråd fremjar framlegg til representantar til ungdomsrådet. Frist for å koma med framlegg er 1. oktober. Skulane må sikre kjønnsbalanse i valet.

I tillegg skal 5 representantar og 5 vara i rekkje veljast etter innspel frå ulike  ungdomsorganisasjonar og privatpersonar. Organisasjonar og privatpersonar kan kome med framlegg til kandidatar til Valnemnda. Det skal lysast i lokalavisa og på heradet sine nettsider etter kandidatar i samband med valet.

Representantane si funksjonstid er 2 år.

Rådet vel sjølv leiar og nestleiar. Dersom ingen i rådet tar på seg vervet som leiar, må heradsstyret velja Ungdomsråd.

Heradsstyret skal velja ein politisk representant, helst ordførar, som skal delta i møta i ungdomsrådet.

Ungdomsrådet skal få opplæring i demokratiske prosesser og kommunal styring.

Organisering og møter

• Kommunelova sine reglar for sakshandsaming og møte gjeld.
• Rådet skal få sakene på eit så tidleg tidspunkt at dei har moglegheit til å påverka utfallet av saka.
• Rådet skal ikkje handsama saker som gjeld einskildpersonar.
• Møta skal vera opne og tilgjengelege og rådet sine uttalar skal vera offentlege. 
• Ut over formelle møte, kan rådet ha diskusjons- og arbeidsmøte og andre samlingar.
• Representantane får møtegodtgjersle etter satsar vedteke av heradsstyret

Møte og talerett i utval og i heradsstyret

Ungdomsrådet har møte- og talerett i Voss heradsstyre, formannskapet og andre politiske vedtaksorgan sine møte i dei sakene som kjem inn under det enkelte råd sitt arbeidsområde. Dersom rådet ønskjer å nytta seg av møte- og taleretten skal dette avtalast med ordførar eller utvalsleiar i forkant av møtet (og seinast dagen før).

Ungdomsrådet kan stilla med to representantar. Dei representantane som representerer rådet får sleppa til i møtet med eit førebudd innlegg, med taletid på inntil 5 minutt i starten av sakshandsaminga til den politiske saka, men før debatten startar. Representanten får ikkje delta i sjølve debatten.

Møte- og taleretten gjeld i det utvalet/ heradsstyret som fattar det endelege vedtaket.

Andre oppgåver

Ungdomsrådet skal utarbeide ei kortfatta årsmelding som skal leggjast fram for heradsstyret.

Ungdomsrådet peikar ut ein representant i kvar av ungdomsstyra.

Årsmeldinga skal innehalda:

• Tal saker som har vore handsama:
• Store/omfattande saker med stor interesse mellom innbyggjarane:
• Saker ein reknar med kjem opp til neste år:
• Kort oppsummering/vurdering av arbeidet i utvalet i året som ligg bak oss:

Administrasjonen (Rådmannen) si rolle

1. Administrasjonen skal ha funksjon som støtte for ungdomsrådet.
2. Administrasjonen i kommunen skal ha sekretærfunksjon og kan hjelpa med saksførebuing og framstilling.
3. Administrasjonen kan vidare hjelpa til med å fylgja opp saker for ungdomsrådet.
4. Administrasjonen skal hjelpa til ved val av framlegg til kandidatar.
5. Administrasjonen har tale og framleggsrett i ungdomsrådet.

Endringar av vedtektene

Endringar av vedtektene skal vedtakast i heradsstyret.