Legitimasjon

Når du røyster må det vera mogleg å kontrollera at du er den du gir deg ut for å vera. Du må derfor visa legitimasjon dersom du er ukjend for valmedarbeidaren som tek imot røysteseddelen din. Andre personar i vallokalet kan ikkje gå god for identiteten din.

Kva er godkjent som legitimasjon?

Døme på legitimasjon er pass, nasjonalt ID-kort, førarkort (også digitalt) og bankkort med bilete. Det er mogleg å nytta andre former for legitimasjon, men minstekravet er at det må innehalda namn, fødselsdato og bilete.

Ta kontakt med ein valmedarbeidar dersom du har spørsmål eller treng rettleiing når du skal røysta. Valmedarbeidarane har teieplikt.

Har du ei psykisk eller fysisk funksjonsnedsetting som gjer at du ikkje kan stemma åleine? Då har du rett på å få hjelp til å røysta av ein valmedarbeidar eller ein annan person som du sjølv peikar ut. 

Frå 1. juli til 29. august kan veljarar som bur eller oppheld seg i utlandet førehandsrøysta på norske ambassadar og andre utanriksstasjonar eller hjå andre utnemnde stemmemottakarar. Nærare valet finn du stemmestader i utlandet på valglokaler.no

Veljarar i utlandet som ikkje har høve til å oppsøka ein røystemottakar, kan røysta ved brevpost. Ved brevrøysting har veljarane sjølv ansvar for at røysta kjem inn til valstyret i rett kommune innan klokka 17.00 den 9. september.

Valkortet går ut

Valkort vert erstatta med informasjon om røysterett og kvar du må røysta på valdagen. Har du digital postkasse, får du informasjon der. Har du reservert deg mot digital post, får du informasjon på papir i den vanlege postkassa.

• Juli: manntalet vert lagt ut til offentleg ettersyn så snart det er klart i byrjinga av juli
• 1. juli: opnar for tidlegrøysting på Tinghuset måndag – fredag kl 10.00 – 14.00
• 11. august: opnar for førehandsrøysting
• 4. september kl.12 – frist for å be om heimerøysting
• 8. september – valdag