Voss herad sitt prosjektet Voss iPluss 2027, stiller krav til at alle kommunalavdelingar må omstille tenestene til å verta berekraftige, det vil seie at me har både folk og pengar til å dekka framtidige behov og tenester for Vossabarnehagen og Vossaskulen. Dette prosjektet er ein del av oppvekst sin prosess for å stetta målsetjingane i det overordna prosjektet.

Den demografiske utviklinga på Voss og i kommunane generelt har endra seg dei siste åra, og skal endra seg dei komande åra. Dette er alt ei stor utfordring for Vossabarnehagen og Vossaskulen, som no står overfor utfordringar knytt til lågare barnetal enn tidlegare og mangel på tilgang på kvalifiserte tilsette. 

Mål for arbeidet 

Barnehage

• At me klarar og rekruttera og behalda tilsette. 
• At me har berekraftige tenester som oppfyller pedagog og bemanningsnorm, og at me har bygg og einingar som stettar meir fleksibel bruk av ressursar. 
• Sikre at alle barn har eit godt og trygt barnehagemiljø og sikre god kvalitet på tenestene som fremjar leik, læring og utvikling

Her kan du lese heile mandatet for Vossabarnehage (PDF, 195 kB)

Skule 

• At me klarar og rekruttera og behalda tilsette
• At me har berekraftige tenester som oppfyller lærarnorm og stettar kompetansekrav 
• At me har bygg og einingar som stettar meir fleksibel bruk av ressursar

Her kan du lese heile mandatet for Vossaskulen (PDF, 227 kB)