Gjernes barnehage er ein kommunal barnehage som ligg på Gjernes, i nærleiken av Voss sentrum. Næraste nabo til barnehagen er Gjernes skule og Gjernesmoen. Barnehagen er ein to-avdelings barnehage, "Hare" (1-3 år) og "Ekorn" (3-6 år), totalt er det plass til 32 barn i Gjernes barnehage.

Ein av grunnsteinane i Gjernes barnehage er at alle barn skal bli sett og møtt på ein anerkjennande måte kvar dag. Me er opptekne av leik, utforsking og læring gjennom heile året, både i barnehagen og ute på tur. I sommarhalvåret går me gjerne på tur, helsar på dyr på beite, endene ved Tintrabrua eller plukkar bær. Om vinteren sklir me på akebrett eller går på ski.