IST Home

IST-Home er ein digital kommunikasjonsarena mellom føresette og barnehage. Gjennom appen IST Home kan føresette registrera opphaldsplan for sitt barn, og kommunisera med barnehagen.

Sist endra 08.05.2024 14.45

Dagleg dialog er ein digital kommunikasjonsplattform for kommunikasjon mellom føresette og barnehagen rundt det einskilde barn. Føresette må laste ned appen som heiter, IST Home. Målet med ei digital løysing er at føresette og barnehagen skal få ein meir effektiv, sikrare og enklare måte å kommunisera på rundt det einskilde barn.

I appen skal føresette leggja inn opphaldsplan til det einskilde barnet, gje beskjed om planlagde feriar og fridagar, og når barnet må vera heime på grunn av sjukdom. Appen har ein chat-funksjon der barnehagen og føresette kan kommunisera kring einskildbarn, og ein meldingsfunksjon der barnehagen kan dela informasjon og bilete med føresette.

Meir informasjon om IST Home finn du her: IST home.

Korleis kan eg komma i gang?

Du finn appen i Google Play eller i Apple Store. Søk etter "IST Home".

Last ned appen "IST Home".
Logg inn gjennom ID-porten, eksempelvis ved hjelp av Bank-ID eller Bank-ID på mobil.
Etter innlogging vert dine born som har barnehageplass, synlege.
Legg inn e-postadressa som du ynskjer å nytta ved innlogging / informasjon om appen, og trykk vidare.
Du har no tilgang til å gje barnehagen beskjed om fråvær og opphaldstid.

Viktig vedkomande lukking av app:
For sikker utlogging av appen må du trykka på menypunktet (fire prikkar), og deretter "Logg ut". Då må du logga inn gjennom ID-porten ved ny pålogging. Om du i pålogga status vel å lukka appen, vil du komma automatisk inn i opphaldsplanen til barnet ditt neste gong du opnar appen.

Informasjonstryggleik og vern av personopplysingar

Føresette loggar inn på IST Home med bank-id.

IST Home hentar informasjon frå IST Everyday, som jamleg får oppdaterte opplysningar frå folkeregisteret. IST Everyday er det systemet som til dømes vert nytta når føresette søkjer barnehageplass.

For å sikra vern av informasjon og personopplysningar er det berre personar med foreldreansvar som skal ha rolla som «føresett» i IST Home. Denne retten vert gjeve ved at systemet sjekkar dette opp mot kva som er registrert i folkeregisteret. På bakgrunn av dette er det viktig at du som forelder/føresatt kontrollerer at informasjonen som ligg i folkeregisteret er korrekt. Nærare opplysningar får du her Foreldreansvar - Skatteetaten.

Utvikling av app og appinnhald

Administrasjonen er kjent med at språket i appen ikkje er heilt tilfredsstillande. IST jobbar for å få eit betre språk i appen,

Voss herad håpar at alle foreldre/føresette vil ta i bruk den digitale kommunikasjonsløysinga ved å lasta ned appen og ta den i bruk. For ytterlegare informasjon om appen, brukarstøtter og funksjonar sjå isthome.no.

Appen kan lastast ned i play butikk / App store på mobilen.

Korleis nyttar barnehagen Dagleg dialog?

Tilsette brukar appen til å registrere borna når dei kjem og går til/frå barnehagen, godkjenna opphaldsplanar og fridagar, senda felles informasjon til føresette, og til å kommunisera med føresette kring einskildbarn. I forkant av skuleferiar sender barnehagen ut spørsmål om evt. ferie, og om opphaldsplan og -tid, i det aktuelle tidsrommet.

Kvar avdeling har eige nettbrett som dei nyttar til Dagleg Dialog. Nettbrettet er berre tilgjengeleg for dei tilsette som registrerer borna når det kjem og går.

Tilbakemelding

IST Home

Artikkelliste