Skulebyte

Elevar sin nærskule er i Voss herad definert gjennom politisk vedtak om "Lokalforskrift for ordninga med skuleområde". Denne forskrifta definerer inntaksområda som vert praktisert i Voss herad. Det er den folkeregistrerte adressa som avgjer kva nærskulen eleven soknar til.

Sist endra 03.04.2024 11.23

I Opplæringslova § 8-1 heiter det at «Grunnskoleelevane har rett til å gå på den skolen som ligg nærast eller ved den skolen i nærmiljøet som dei soknar til. Kommunen kan gi forskrifter om kva for skole dei ulike områda i kommunen soknar til. Etter søknad kan eleven takast inn på annan skole enn den eleven soknar til.»

Statsforvaltaren har ved fleire høve omtala det å gå på skule tilhøyrande krinsen ein bur i er det beste for barnet. Dette byggjer på å kunna sosialiserast med born frå same skule og fungerer sikrande på barnet si oppleving av tilhøyrsle i miljø i og utanfor skuletid.

Kven kan søkja om skulebyte?

I Voss herad er utgangspunktet at elevar har skulegang ved nærskulen sin, jamf. "Lokalforskrift for ordninga med skuleområde".

Fylgjande punkt kan likevel vere utslagsgjevande ved søknad om skulebyte:

a) adresseendring.
b) spesielle tilhøve (fysiske utfordringar, funksjonsnedsettingar).
c) sakkunnig vurdering .
d) gråsone-adresser (når gangbar avstand til ein annan skule enn nærskulen pr inntaksområde).
e) saker knytt til Opplæringslova §9A.

Ver merksam på at ved innsending av søknad om skulebyte, har søkjar allereie teke eit val om å byte skule. Vedtak i saka tek stilling til kva skule eleven tek til, eller held fram ved. Ved innvilga søknad vil ikkje søkjar kunne velje mellom skulane. Valet er allereie gjort ved innsending av søknad.

Du kan søkje om overflytting til annan skule i Voss herad her: søknadskjema: skulebyte

Søknad skal leverast til noverande nærskule.

Kva skjer når eg skifter adresse?

Ved endring av folkeregistrert adresse skal det meldast flytting til den skulen som ny adresse krinsar til.

Ein kan likevel søkje om framhald ved noverande skule, om
a) flytting skjer etter 1.april. Då kan ein fullføre skuleåret ved skulen, og starte nytt år ved ny skule.
b) ein er starta eller skal til i 7.trinn. Om det er ynskja, kan ein fullføret skulegang ved skulen.

Du kan søkje om å halde fram ved same skule her: søknadskjema: halda fram ved same skule

Søknad skal leverast til noverande nærskule.

Framtidige planar om å skifte flytte, eller eit ynskje om å flytte til nytt bustadområde eller skulekrins, er ikkje sett som grunnlag for skulebyte. Om ein har dokumentert overtaking (eksempelvis datosett overtaking gjennom kontrakt) av framtidig folkeregistrert adresse, og flytting skjer innan inneverande skuleår, kan ein likevel søkje skulebyte.

Du kan søkje om overflytting til annan skule i Voss herad her. Søknad skal leverast til noverande nærskule.

Søknad om å halde fram ved same skule

Søknad om overflytting til annan skule i Voss herad