Du kan søka om 3 eller 5 dagar SFO-plass. Barnet kan nytta SFO morgon og ettermiddag, det tal dagar dei er påmeldt. Ordinært SFO-tilbod føl skuleruta, og er ikkje eit tilbod i feriar og på fridagar og planleggingsdagar.

Ordinært tilbod omfattar 12 timar gratis SFO, for 1., 2. og 3. klasse, og vert automatisk trekt frå fakturaen.  

Dersom meir enn 10 barn pr. dag er påmeldt utvida SFO, vil skulen kunna gje eit tilbod på skulen sine ferie- og fridagar. Tilbodet gjeld alle dagar; måndag - fredag, unnateke dei 4 siste vekene i juli (v. 27, 28, 29 og 30), skulen sine planleggingsdagar, jolafta, dagane mellom jol og nyttår, og måndag – onsdag i påskeveka.

Barn frå skular som ikkje har tilbod om utvida SFO, får tilbod om utvida SFO ved annan skule. Frå skule- og SFO-året 25/26, er det Vangen skule som har tilbod om utvida SFO. Skulane som har barn påmeldt utvida SFO, stiller med personale frå eigen skule i ordninga.

Du kan søka om 3 eller 5 dagar utvida SFO-plass.  

Utvida tilbod omfattar 12 timar gratis SFO, for 1., 2. og 3. klasse, og vert automatisk trekt frå fakturaen.  

For dei som berre ynskjer gratistilbodet, har heradet tilbod om 12 timar gratis SFO. Dette gjeld for 1.-3.-trinn. Den einskilde skule sender ut informasjon om eiga kjernetid og organisering av 12 timar gratis SFO. 

Ein finn òg informasjon om dette på skulane sine nettsider: Skulane i Voss herad

Ordninga med 12 timar gratis SFO for 1. 2. og 3.trinn, gjeld òg for utvida SFO. Alle på 1. 2.og 3. trinn som er påmeldt SFO, kan nytta seg av tilbodet utan å vera påmeldt utvida SFO.

Tilbodet vert gjeve som eit to-dagars (6 timar x to dagar = 12 timar) tilbod i heile ferieveker, haustferie, vinterferie og sommarferie. Unntaket er dei 4 siste vekene i juli, v. 27, 28, 29 og 30., då SFO har stengt. Dette tilbodet vert organisert saman med utvida tilbod.

Det kjem informasjon og påmelding frå skulen før kvar ferie. 

Betaling for opphald blir etter dei satsar som til ei kvar tid er fastsett av heradsstyret og regulert ved indeksregulering kvar 1. januar. Betalinga vert fakturert 11 gonger per år. Du betalar for halve juni og halve august, medan juli er betalingsfri månad.

12 timar gratis SFO-tilbod for 1. 2. og 3. trinn, blir trekt automatisk frå faktura før utsending.  

Foreldre skal ikkje betala meir enn 6 % av hushaldninga si inntekt for ein SFO-plass.

• Hushaldning er definert som ektefeller, registrerte partnarar og sambuarar, forsørgjarar med delt omsorg, og einslege forsørgjarar.  
• Inntekt er definert som bruttoløn, kontantstønad, pensjon, trygdeytingar (med unntak av grunn- og hjelpestønad, og barnetrygd), inntekt frå eiga verksemd og omsorgsløn. 

Søk om inntektsgradert foreldrebetaling og gratis kjernetid på Voss herad sin portal for barnehage og SFO.  Logg inn - trykk på barnehage - sida mi - opplysningane mine - registrer inntekt.

Saksgang: Det er administrasjonen i kommunalavdeling oppvekst som handsamar søknad om inntektsgradert foreldrebetaling. Innvilga inntektsgradert foreldrebetaling trer i kraft månaden etter at godkjend dokumentasjon er motteke, og gjeld frå vedtak er fatta og ut inneverande skuleår. Det må søkjast om inntektsgradert foreldrebetaling kvart skuleår,  og leverast ny gjeldande dokumentasjon.

Dokumentasjon: Siste års skattemelding skal brukast som dokumentasjon. Om skattemeldinga for 2024 skal vera grunnlag for inntektsgradert foreldrebetaling treng du ikkje å senda inn dokumentasjon. Har inntekta di endra seg frå 2024, må du senda dokumentasjon på dette, til dømes lønns-slippar for dei tre siste månadane.  

Søkjar er sjølv ansvarleg for å levera korrekt dokumentasjon. 

Dokumentasjonen skal sendast til:
Voss herad, kommunalavdeling oppvekst
Postboks 145
5701 Voss

Oppseiing av SFO-plassen gjer ein via det same skjemaet som ein nyttar når ein søker om SFO-plass. Oppseiingstida er 2 mnd, og vert rekna frå den 1. eller den 15. i kvar månad. Du må betala for SFO i oppseiingstida.

Oppseiingstida gjeld òg om du takkar ja til plass, men ombestemmer deg og ikkje nyttar plassen. 

Utdrag frå opplæringslova § 4-5 skulefritidsordninga:

"Kommunen skal ha et tilbud om skolefritidsordning før og etter skoletid for 1.- 4. årstrinn, og for barn med særskilte behov på 1.- 7. årstrinn.

Skolefritidsordningen skal legge til rette for lek, kultur- og fritidsaktiviteter med utgangspunkt i alder, funksjonsnivå og interesser hos barna. Skolefritidsordningen skal gi barna omsorg og tilsyn. Barn med nedsatt funksjonsevne skal gis gode utviklingsvilkår. Areal, både ute og inne, skal være egnet for formålet.

Kommunen fastsetter forskrift om skolefritidsordningen. Når skolefritidsordningen er knyttet til skolen, skal rektor vanligvis være leder. Kommunen kan kreve utgiftene til skolefritidsordningen dekket gjennom egenbetaling fra foreldrene."

På lenka under finn du lovteksten i sin heilskap:

Opplæringslova – § 4-5 Skolefritidsordning

Lov om grunnskoleopplæringa og den vidaregåande opplæringa (opplæringslova) - Kapittel 4 Skyss, leksehjelp, skolefritidsordninga, skoletur og overgang frå barnehage til skole - Lovdata.

På lenka under finn du lokal forskrift om skulefritidsordning for grunnskulane i Voss herad, vedteke av Voss heradsstyre 13. juni 2024:

Forskrift om skulefritidsordning for grunnskulane, Voss herad, Vestland - Lovdata 

Rammeplanen har status som forskrift med heimel i opplæringslova § 13-7, og gjeld for skulefritidsordningar som er omfatta av denne føresegna. Kommunen, eller den kommunen brukar til å oppfylla plikta si etter opplæringslova § 13-7, har ansvaret for at SFO vert drive i samsvar med gjeldande regelverk.

Rammeplanen gir rom for lokale variasjonar, satsingar og planar. For å sikre eit heilskapleg perspektiv på barn sin oppvekst og utvikling, bør SFO og skule samarbeida tett. Når SFO er knytt til skular, skal rektor til vanlig vera verksemda sin leiar, jf. opplæringslova § 13-7. Rektor kan delegera oppgåver til ein som får ansvar for den daglege drifta av SFO.

Rammeplan for SFO| udir.no