Frå opplæringslova (oppdatert 01.08.2024):

§ 4-1. Rett til skyss til og frå skolen for elevar i grunnskolen

• Elevar på 1. trinn har rett til gratis skyss dersom dei bur meir enn to kilometer frå skolen. 
• Elevar på 2. til 10. trinn har rett til gratis skyss dersom dei bur meir enn fire kilometer frå skolen.
• Elevar har rett til gratis skyss dersom ein del av vegen er særleg farleg eller vanskeleg.
• Elevar som treng båttransport, har rett til slik transport gratis.
• Elevar som treng skyss på grunn av nedsett funksjonsevne, skade eller sjukdom, har rett til gratis skyss til og frå skolen og skolefritidsordninga. Retten til skyss til og frå skolefritidsordninga gjeld ikkje i skoleferiane.
• Elevar som har fleire heimar, har rett til skyss til og frå kvar heim som oppfyller vilkåra for rett til skyss.

Dersom eleven går på ein annan skule enn nærskulen (den dei soknar til) kan ein setja som føresetnad at føresette sjølv syter for skyss, eller tek kostnaden med nødvendig skuleskyss jf. rundskrivet Udir-2-2019 Retten til skyss.  

Skyss på medisinsk grunnlag, nedsett funksjonsevne, skade eller  sjukdom må ha legeerklæring: mal-for-legeerklaring.pdf (skyss.no).  

Søknadar som skyss på medisinsk grunnlag vert handsama av Vestland fylkeskommune. Kontakt skulen til eleven for registrering av søknad om medisinsk skyss.  

Vestland fylkeskommune, Skyss og Voss herad nyttar skyss.no sine kartreiskap ved vurdering av skulevegar.

Du kan sjølv måla eigen skuleveg her: skuleskyss kart. 

Dersom skulevegen er over fire km (2. - 10. trinn) eller over to km (1. trinn) er det Vestland fylkeskommune som handsamar søknad om fri skuleskyss. Skulen søker skyss på vegne av alle elevar der avstand er over fire / to km. Ta kontakt med skulen til eleven.

Ynskjer du meir informasjon om fylkeskommunal skuleskyss, finn du dette her:  

Skyss - skuleskyss i grunnskulen

Barn som oppheld seg i trafikken vil alltid vera utsett for ein viss fare. For å få rett til fri skuleskyss (på bakgrunn av særleg farleg eller vanskeleg skuleveg) må det det vera ein "særleg risiko" til stades. Dette betyr at trafikkutfordringane som eleven møter er større enn kva det er forventa at eleven skal kunna meistra.

I Voss herad er det politisk vedteke kva skulevegar som er "særleg farleg eller vanskeleg skuleveg".  Du finn klassifiseringa her: 

Klassifisering - særleg farleg eller vanskeleg skuleveg (PDF, 131 kB)

Når ein vurderer om skulevegen er «særleg farleg eller vanskeleg» gjer ein ei objektiv og ei subjektiv vurdering.

• I ei objektiv vurdering klarlegg ein forhold ved vegen og trafikkforholda i høve til om vegen er å rekna som særleg farleg eller vanskeleg. Moment som kan vera aktuelle er fartsgrense, sikt, mengde trafikk og tilrettelegging for fotgjengarar. Eit anna moment er at sjølv om den kortaste vegen til skulen vert rekna som særleg farleg eller vanskeleg, gjev ikkje dette automatisk rett til fri skuleskyss. Det kan vera alternative vegar som ikkje er like utsette og er innan skyssgrensa. 
• I den subjektive vurderinga vil ein vurdera om det er tilhøve ved den einskilde elev som gjer at det er forsvarleg eller uforsvarleg for å eleven å ta seg fram langs skulevegen. Her vil blant anna eleven sin alder, utvikling, syn og høyrsel vera aktuelle moment.

Voss herad nyttar Trygg Trafikk sin rettleiar som grunnlag for vurderingar av barn sine føresetnader i trafikken, etter alderstrinn. Sjå meir informasjon og rettleiaren her: Skole og trafikksikkerhet - Trygg Trafikk 

I Voss herad er det politisk vedteke, i sak 69/21, kva skulevegar som er klassifisert som særleg farleg eller vanskeleg. I same sak, punkt 7, vert det stadfesta at administrasjonen har «mynde» til å gjera endringar i klassifiseringa, jamfør utbetring av veg, eller som fylgje av vedtak gjort av Statsforvaltaren. Dokumentet som ligg vedlagt under er eit levande dokument, og det vil bli gjort endringar. Eventuell endring vert fyrst gjeldande frå og med komande skuleår, og vil ikkje påverka vedtak om skyss for eksisterande vedtaksperiodar.  

Trykk her for å sjå klassifiseringa i Voss herad:  Klassifisering - særleg farleg eller vanskeleg skuleveg (PDF, 131 kB)

Søknadsskjema : Søknad om fri skuleskyss - særleg farleg eller vanskeleg skuleveg

Søknadskjema: Søknad om fri skuleskyss - særleg farleg eller vanskeleg skuleveg

Har du gangavstand på meir enn ein km for 1. klassingar, eller to km for 2. - 10. klassingar, til offentleg skyssmiddel, kan ein søkja om skyss på denne strekninga. Ein må i tillegg oppfylla vilkåra om vanleg skuleskyss (2 km / 4 km gangavstand til skule). Skyssen gjeld i så fall strekninga mellom heim og haldeplass, og ikkje mellom heim og skule.

I vurderinga av ein søknad skriv Skyss at desse momenta vert vektlagt:

• avstand
• framkomst på veg (til dømes skilnad mellom vinter- og sommarføre)
• kostnad ved tilrettelagt skyss.

Opplæringslova §4-1: Elevar som har fleire heimar, har rett til skyss til og frå kvar heim som oppfyller vilkåra for rett til skyss.

I reglementet til Skyss står det: "Elevar som har delt bustad vil vere folkeregistrert på ei adresse sjølv om dei deler tida mellom to heimar. For å ha rett til gratis skoleskyss, må eleven sitt opphald vere ei rimeleg fast, planlagt og regelmessig ordning, ikkje improvisert enkeltbesøk. Det er ikkje eit krav om at eleven bur like mykje i kvar heim, men det avgjerande er at eleven faktisk bur to stadar.

For å ha rett til skyss frå begge bustader må vilkåra for skyssrett i opplæringslova (§ 4-1) vere oppfylt for begge adressene. Det må ligge føre ein signert avtale av begge føresette der fordelinga av samværet er beskrive. Mellombels endringar frå den faste planen gjev ikkje rett på skyss.  

Ved delt bustad kan begge føresette sine adresser vere utgangspunkt for kva som er eleven sin nærskole i samband med skoleskyss. Nærskolen må likevel vere i den kommunen der eleven er folkeregistrert og som har opplæringsansvaret for eleven." 

Les meir om reglementet kring skuleskyss her. 

Kontakt skulen til eleven for registrering og dokumentasjon som gjeld delt bustad.

Skyss skriv i sitt reglement at elevar har som hovudregel berre rett til skyss til og frå skule, og til start- og sluttid. Dette betyr at elevar som nyttar tilbod om SFO, ikkje har direkte rett til skyss før og etter SFO-tid.  

Skyss skriv vidare: "Elevar med skyss på medisinsk grunnlag er unntatt frå denne regelen og har rett på skyss også i samband med SFO.  

Opplæringslova § 4-1 gjev: Elevar som treng skyss på grunn av nedsett funksjonsevne, skade eller sjukdom, har rett til gratis skyss til og frå skolen og skolefritidsordninga. Retten til skyss til og frå skolefritidsordninga gjeld ikkje i skoleferiane.  

Skyss på medisinsk grunnlag, nedsett funksjonsevne, skade eller  sjukdom må ha legeerklæring: mal-for-legeerklaring.pdf (skyss.no).  

Søknadar som skyss på medisinsk grunnlag vert handsama av Vestland fylkeskommune. Kontakt skulen til eleven for registrering av søknad om medisinsk skyss.