Kva skjer på heimebesøket?

Me tek utgangspunkt i helsa di, ressursane dine og kvardagen din. Du får råd og informasjon som kan hjelpa deg å halda deg frisk og bu trygt og sjølvstendig heime.

Besøket vert gjort av fysioterapeut, ergoterapeut og tilsette i heimetenesta.

Dette kan me snakka om:

• Korleis førebyggja fall og halda deg i aktivitet
• Tryggleik i heimen (til dømes brannvern og hjelpemiddel)
• Kommunale tenester og frivillige tilbod
• Fysisk og psykisk helse

Slik får du tilbodet

Du kan:

• ringa 952 62 004 og avtala besøk direkte med heimerehabiliteringsteamet
• vera med på førebyggjande samling (sjå informasjon under)

Begge tilboda er gratis.

Førebyggjande samling for 80-åringar

Ein gong i året inviterer kommunen alle som fyller 80 år til ei samling. Du vert kontakta på telefon av kommunen.
Her får du informasjon om:

• korleis du kan ta vare på helsa i kvardagen
• korleis du kan tilpassa bustaden din
• kommunale helsetenester og andre tilbod