Kommunal bustad

Leige av kommunal bustad er eit tidsavgrensa tilbod for innbyggjarar som ikkje klarar å skaffa eigna bustad sjølv eller med anna offentleg hjelp.

Kven passar tilbodet for?

Kommunal bustad er for deg som:

Ikkje kan skaffa deg bustad sjølv, eller har vanskar med å bu på eiga hand
Er utan eigen bustad
Står i fare for å miste bustaden du har
Bur i ein bustad eller eit bumiljø som ikkje er eigna
Er over 18 år
Har lovleg opphald i Noreg og fast adresse, eller har budd/opphaldt deg i Voss herad dei siste 6 månadane

Slik vurderer me søknaden din

Når du søkjer om kommunal bustad, vurderer me kven som treng hjelp mest.
Me innhentar informasjon frå andre instansar og kartlegg behovet ditt.

Dersom du ikkje har bustad, og heradet ikkje har ledig kommunal bustad, vil Nav gje deg eit mellombels butilbod.
Leir meir om dette her: Mellombels butilbod

Slik søkjer du

Søk digitalt
Søk per post: Last ned søknadsskjema (PDF, 132 kB)

Dette må du legge ved søknaden:

Fullmaktskjema dersom du søkjer på vegne av andre (PDF)
Skattemelding (finn du i innboksen i Altinn)
Lønnsslippar eller utbetalingar frå NAV for dei to siste månadane
Dokumentasjon på sosiale eller helsemessige forhold som har betydning for søknaden.

Treng du hjelp til å fylle ut søknaden?
Kontakt sakshandsamar bustad.

Husleige

Husleiga vert fastsett etter bustaden sin standard, storleik og kva leigeprisen er på marknaden.
Meir informasjon finn du her: Informasjonsbrosjyre om betaling av husleige (PDF, 47 kB)

Treng du hjelp til å betala husleiga?

Du kan søkja om bustønad frå Husbanken.
Søknadsskjema finn du her: Søknad om bustønad

Treng du hjelp med økonomien?

Du kan søkja Nav Voss om økonomisk gjeldsrådgjeving. Tilbodet er gratis.
Søknadsskjema finn du her: Søknad om økonomisk gjeldsrådgjeving

Etter du har søkt

Du har rett til å få eit vedtak i posten eller digitalt innan fire veker.
Dersom du ikkje får svar innan fire veker, vil du få eit foreløpig svar med informasjon om når du kan venta endeleg svar.
Vedtaket kan vera:

Innvilga: Du fyller vilkåra. Vedtaket inneheld lengda på leigekontrakten, bustadadresse og kven du kan kontakte ved spørsmål.
Innvilga plass på venteliste: Dersom det ikkje er ledige bustader, får du vedtak om at du fyller vilkåra, men er sett på venteliste.
Avslag: Vedtaket inneheld grunngjeving for kvifor du ikkje fyller vilkåra.

Kor stor bustad du får tildelt, kjem an på kor stor husstanden din er.
Leigekontrakta varer vanlegvis inntil tre år.
Dersom du fortsatt har behov for kommunal bustad etter at kontrakta går ut, kan du søkja om forlenging, med same søknadsskjema.

Oppseiing av kommunal bustad

Hjelp til å kjøpe bustad

Klage på vedtak

Du kan klaga på vedtaket innan tre veker etter du mottok vedtaket. Klagen skal innehalda grunngjeving for klage og eventuelle nye opplysningar og dokumentasjon. I vedtaket står informasjon om korleis du klagar og klagefrist. Andre kan etter fullmakt klaga for deg. Klagen vert handsama i kommunal klagenemnd.

Har du spørsmål eller treng rettleiing i å klaga kan du kontakta sakshandsamar bustad.

Lover

Voss herad

Kommunal bustad

Kommunal bustad

Kven passar tilbodet for?

Slik vurderer me søknaden din

Slik søkjer du

Husleige

Treng du hjelp til å betala husleiga?

Treng du hjelp med økonomien?

Meir informasjon på Nav sine sider

Søknadsskjema Nav

Kontakt