Det er to grunnvilkår som begge må vera oppfylte for at ein søknad om parkeringsløyve kan verta innvilga:

1. Du kan ikkje gå i det heile, eller har store vanskar med å bevega deg over noko lengd.
2. Du må ha særleg behov for parkeringslette på konkrete stader.
    

Den som søkjer om parkeringsløyve som passasjer må i tillegg ha behov for regelmessig tilsyn utanfor bilen.

Det er ikkje nok å peika på ein sjukdomstilstand som avgrensar evna til å forflytta seg. I tillegg må du grunngje kvifor det vanlege parkeringstilbodet på ein eller fleire stader ikkje er tilstrekkeleg til å dekkja behovet ditt. Gje så presise adresser som mogleg. Problem med å bera varer er i seg sjølv ikkje god nok grunn til å få parkeringsløyve. Parkeringsløyve er ikkje meint som ei økonomisk støtteordning.

Løyvet er eit personleg parkeringskort som gjev deg rett til parkering på merka parkeringsplassar.

• Kortet gjeld i heile Noreg og skal plasserast bak frontruta, med framsida godt synleg.
• Kortet gjeld òg i heile Europa, men då etter reglane til kvart land.
• Løyvet gjeld vanlegvis for 2-5 år.

Dersom du ynskjer å fornya parkeringsløyvet ditt må du senda ny søknad og legeerklæring.

Søknadskjema: parkeringsløyve for forflytningshemma

Parkeringsløyve for institusjon

Institusjonar som transporterer forflytningshemma brukarar kan òg søkja om parkeringsløyve. 

Les meir om parkeringsløyve for institusjon her.