Kva skjer på Oasen?

Hjå oss får du ein strukturert og meiningsfull kvardag. Me har mange ulike aktivitetar og kjekke gjeremål gjennom dagen. 

Døme på aktivitetar:

• rulling av dukar
• ljosstøyping, toving, smykkelaging
• matlaging og felles måltid
• samvær med andre
• trim, turar og treningsgrupper
• spel
• kulturelle arrangement

Du kan òg få individuelle samtalar med ein tilsett dersom du ynskjer det.
Ein gong i månaden har me allmøte, der du kan ta opp det du har på hjartet – stort eller smått.

Kven passar tilbodet for?

Tilbodet passar for deg som kjenner på psykiske utfordringar i kvardagen, anten dei er kortvarige, langvarige eller kroniske. Du treng ikkje tilvising.

Sal av produkt og tenester

Me tilbyr:

• rulling av dukar til ein rimeleg pris
• sal av heimelaga produkt som:
  • ljos
  • såper
  • små strikkeprodukt