For å synleggjere alle dei gode aktivitetane ynskjer me at de legg aktivitetane inn i aktivitetskalenderen Friskus.
Målsetjinga for Friluftslivets år 2025 er å få fleire folk ut i naturen og oppleva gleda av det enkle friluftslivet i eige nærmiljø.
Under Friluftslivets år er det ekstra merksemd på å invitera og inkludera born og unge, vaksne og eldre som ynskjer å vera meir aktive i naturen, men som kanskje ikkje kjenner til friluftslivet.
Voss herad har fått tildelt stimuleringsmidlar av Bergen og Omland Friluftsråd. Me ynskjer høg aktivitet og flest mogleg lågterskel friluftsarrangement i heradet gjennom året.
Korleis søkje midlar?
For å søkje tilskot må arrangementet vera:
- ope og gratis for alle å delta på
- miljøvenleg og basert på frivilligheit
Tilskotet kan nyttast til arrangementskostnadar som enkel mat og/eller drikke til deltakarar, til dømes: gratis varm saft og/eller pinnebrød til alle, utstyr som deltakarar kan nytte seg av, transport.
- Lag og organisasjonar som søkjer tilskot må ha eige organisasjonsummer.
- Arrangementet må ha ein kontaktperson med kontaktinformasjon.
- Arrangementet må leggjast inn i Friskus og i aktivitetskalendaren til Friluftslivets år 2025
De må gjerne lage arrangement fleire organisasjonar ilag. Då kan det vere lettare å skape meir aktivitet og fleire frivillige til å hjelpe til med å arrangere. Hugs at Skattekammeret hjå Kirkens Bymisjon Voss har mykje utstyr dei låner ut gratis.
Me oppmodar spesielt om at de inviterer folk som kanskje treng ein ekstra invitasjon til å delta på aktivitetar saman med andre.
Søknad på e-post
Skriv ein enkel kort søknad på inntil 5000 kr på e-post til; guro.ovsthus@voss.herad.no
Søknaden må inkludere kort kva type arrangement det er, saman med eit lite budsjett. De kan søkje om fleire arrangement i same e-post. Arrangementa må vera gjennomført innan 31.12.2025.
Søknad om tilskot vert vurdert og tildelt løpande.
Spørsmål?
Kontakt Guro Øvsthus; guro.ovsthus@voss.herad.no