Voss herad har etablert eit programråd som har i oppgåve å planleggja innhaldet i Den kulturelle spaserstokken.

Programrådet skal leiast av ein tilsett frå kommunalavdeling for kultur og fritid, i tillegg bestå av to representantar frå Eldrerådet, ein representant frå dei tilsette ved omsorgsbustad, eller andre knytt til avdeling for helse og omsorg. Andre samarbeidspartnarar kan inviterast inn ved behov.

Programrådet skal utarbeida eit kulturprogram etter følgjande kriterium:

• Sørgja for profesjonell kunst- og kulturformidling av høg kvalitet til eldre

• Leggja til rette for auka samarbeid mellom kultursektoren og helse- og omsorgssektoren, slik at det kan utviklast gode kunst- og kulturprosjekt lokalt, innanfor eit mangfald av sjangrar og uttrykk

• Medverka til at eldre får eit tilpassa kulturtilbod på arenaer der dei held til i dagleglivet.

Programrådet vedtek endeleg program etter høyring hjå Voss eldreråd.