Akkordeon.
Kulturskulen tilbyr enkeltundervisning på akkordeon.
Påmelding på Voss Herad si heimeside via Kultur, idrett og fritid.
De kan koma med ynskje i påmeldinga.
Aldersgrense: Frå 6 år.
Utmelding: På epost til oddvar.nostdal@voss.herad.no
Akkordeon/trekkspel er eit gamalt instrument med røter frå både Italia og Russland. Instrumentet fins i ulike variantar, med knappar i svensk eller norsk system, tangentar, med melodi - og/eller standardbass. Instrumentet fins i barnestorleik og eignar seg difor godt til å byrja med frå skulealder eller tidlegare. Instrumentet vert kanskje forbunde med såkalla «gamaldans», men vert i dag nytta til alt frå klassisk musikk til pop, jazz, tango og nyskriven musikk.
Overordna mål for eleven
Få gode ferdigheiter på instrumentet sitt
Oppleva meistringsglede
Utvikla seg til å verta ein sjølvstendig utøvar som har glede av musikk gjennom heile livet
Utvikla evna til samspel og samarbeid
Få høve til fordjupning som kan danna grunnlag for vidaregåande og høgare utdanning
Verta ein ressursperson som bidreg til eit levande kulturliv
Fase 1
Få gode øvingsrutinar
Herma enkle melodiar og rytmar på gehør
Finna grunnpulsen i musikken
Lesa notar og/eller enkel besifring
Enkel musikkteori og musikkhistorie
Læra god spelestilling og tekniske basisferdigheiter
Delta på konsert
Fase 2
Øver regelmessig
Vidareutvikla gehør med herming av treklangar, skalaer og rytmar
Lytta aktivt til eige spel og medelevar i samspel
Nytta musikkteori og bakgrunnshistorikk
Delta på konsertar
Fase 3
Planlegga øving saman med lærar
Bruka opptak av eige spel som øvingsmetode og eigenutvikling
Spela utanat
Få kunnskap om spenningar og feilbelastningar
Opparbeida eit allsidig repertoar
Fase 4
Høge krav til øving
Langsiktig plan for øving
Nytta ulike innstuderingsmetodar for øving
På eiga hand innstudera nytt stoff der ein nyttar all kunnskap ein har tileigna seg opp gjennom åra
Breiddetilbod
Meistra grunnferdigheiter
Læra notar og enkel rytme
Konsertdeltaking i trygge rammer
Spesielt for akkordeon
Korleis halda instrumentet. Rett sitje- og handstilling, samt belgbruk.
Spela enkle melodiar
Korleis me jobbar for å oppnå måla
Enkeltundervisning
Framføring i trygge rammer
Forventningar til eleven
Vera godt førebudd, vera aktiv på timen
Ta godt vare på instrumentet
Forventningar til læraren
Vera godt førebudd
Gje rette utfordringar
Gje klare mål til eleven
Gje trivsel og trygge rammer
Vurdering
Klare mål og evaluering undervegs
Godt samarbeid elev-føresette-lærar
Kjernetilbod
Spesielt for akkordeon
Får låna instrument på kulturskulen
Læra rett sitje- og handstilling, korleis halda instrumentet, samt belgbruk.
Utvikla fin- og grovmotorikk for å handtera store belgrørsler og styrka muskulaturen i fingrane med teknikkøvingar.
Basiskunnskap: G og F nøkkel, dur/moll, notasjon, rytmar, læra enkel besifring og gehørspel
Korleis me jobbar for å oppnå måla
Enkeltundervisning
Samspel, orkester om mogleg
Konsertdeltaking i trygge rammer på ulike arenaer
Godt samarbeid mellom elev,føresette og lærar
Variert repertoar frå barnesongar og folkemusikk til klassisk musikk
Forventningar til eleven
Gode øvingsrutinar og systematisk heimearbeid
Vera godt førebudd, vera aktiv på timen
Delta på elevkonsertar og liknande arrangement
Føresette fylgjer opp øvingsarbeidet mellom timane
Forventningar til læraren
Vera godt førebudd til timen
Skapa trivsel og trygge rammer
Innføring i bruk av øveteknikkar, forklara korleis og kvifor
Gje tydlege arbeidsoppgåver og rette utfordringar
Setja klare mål, og sei når desse er nådd
Vera eit godt førebilete
Vurdering
Ha klare mål og evaluering med eleven undervegs
Godt samarbeid mellom elev, føresette og lærar
Det er meir å lesa om faginnhaldet i kulturskulen i den nasjonale rammeplanen: http://kulturskoleradet.no/rammeplanseksjonen/rammeplanen