Livssynsnøytral- og personleg seremoni

Gravferda skal skje med respekt for den avlidne sin religion eller livssyn.  Det er pårarørande som er ansvarleg for å velja passande lokale til gravferdsseremonien.  Val av lokale til gravferd er fritt etter lova. 

Ved livssynsnøytrale seremoniar kan ein kombinera uttrykk frå ulike tradisjonar, kulturar og religionar.
 

De er vanleg å nytta eit gravferdsbyrå til å få hjelp med heile eller delar av gravferda.  Gravferdsbyrået kan gi informasjon, råd og praktisk hjelp til gjennomføring av seremonien.

Voss herad tilbyr to alternativ ved livssynsnøytrale/ personlege seremoniar,  Vonheim og Gamlekinofoajeen. Det er gratis husleige ved gravferder i desse lokala.

Vonheim, som er eigd av KFUK/KFUM, er mest brukt og kan nyttast både til livsynsnøytrale og religiøse gravferder.

Vonheim har plass til 180 personar. Bygget ligg rett ved gravplassen og eignar seg godt som seremonirom.   Lokalet har alt av nødvendig utstyr, talarstol, piano, og lydanlegg.  

Thor Trå

Gamlekinoen, foajé har plass til 100 personar. Her er det tilgang til piano og lydanlegg.  Lokalet ligg sentralt ved Tinghuset. 
Foajeen i Gamlekinoen kan leigast gratis av Kulturhuset om den er ledig.  Det er og mogeleg å nytta Gamlekinoen. Her er det 432 plassar.

For leige i Gamlekinoen, kontakt Voss kulturhus på kulturhuset@voss.herad.no eller tlf: 56 51 94 90.