Kva gjer ein støttekontakt?

Ein støttekontakt kan:

• besøka deg heime
• vera med deg på aktivitetar som kino, kafé, turar eller arrangement
• hjelpa deg med å delta i sosiale fellesskap

Tilbodet er vanlegvis på 1–3 timar i veka, og alle støttekontaktar har teieplikt.

Kva kostar det?

Tenesta er gratis, men du må sjølv betala for eigne utgifter til aktivitetar (t.d. kinobillett, mat på kafé).

Typar støttekontakt-tenester

Støttekontakten kan organiserast på ulike måtar:

1. Individuell støttekontakt / treningskontakt
   Du får ein fast person som du møter jamleg.
2. Deltaking i aktivitetsgruppe
   Du deltek i ei gruppe saman med andre, med støtte frå ein tilsett eller frivillig.
3. Individuelt tilbod i samarbeid med frivillig organisasjon
   Du får eit tilbod tilpassa deg, i samarbeid med ein frivillig organisasjon.

Kven passar tilbodet for?

Støttekontakt kan vera aktuelt for deg som:

• har ei funksjonsnedsetting
• er eldre og kjenner deg isolert
• har sosiale utfordringar og treng hjelp til å delta i fritidsaktivitetar

Me vurderer saman med deg om støttekontakt er det rette tilbodet, eller om andre tenester kan passe betre.

Slik søkjer du

Du finn informasjon om korleis du søkjer, og kva som skjer vidare her:

Søk helse- og omsorgstenester