Vil du vera med og skapa eit levande, attraktivt og inkluderande lokalsamfunn?
LivOGLyst er eit program for innbyggjarar i Vestland fylke som vil styrkja trivsel, fellesskap og aktivitet der dei bur. Programmet gir både kompetanse innan lokalsamfunnsutvikling og økonomisk støtte til mobilisering og lokale tiltak.
Vil du vita meir? Bli gjerne med på digitalt infomøte om LivOGLyst-programmet 24. september.
Søk om å bli med i programmet med LivOGLyst-prosjektet innan 1.november 2025!
Sist endra 08.09.2025 11.23
Kva er eit LivOGLyst-prosjekt?
Eit LivOGLyst-prosjekt blir drive av innbyggjarar i lokalsamfunnet. Dette kan vera eit nabolag, ei bygd eller ein bydel. Målet er å samla folk på tvers av alder, bakgrunn og interesser for å skapa noko positivt saman.
Forprosjekt
Prosjekta startar alltid med eit forprosjekt. Forprosjektet får eit tilskot på 80 000 kr i støtte til å få folk med, skapa engasjement, få fram idear og testa dei ut. Første året handlar det ikkje om å ha ei løysing klar - men å samla folk og å finna ut kva dei har lyst til.
Hovudprosjekt
Etter forprosjektet kan de søkja om å bli eit hovudprosjekt. Då kan de få 300 000 kr over tre år og kan jobbe vidara med arbeidet frå forprosjektet.
Tilskota til forprosjekt og hovudprosjekt kan brukast til
- Prosjektleiing (inntil 50 prosent)
- Mobiliseringstiltak og aktivitetar (t.d. idéverkstader, arrangement, møteplassar, utstyr)
- Deltaking i LivOGLyst-nettverket (reise, opphald, kurs)
LivOGLyst-nettverket
Som prosjekt blir de del av eit regionalt nettverk med andre eldsjeler frå heile fylket. Her får de
- opplæring i prosjektarbeid og relevante tema
- ei årleg fysisk nettverkssamling med inspirasjon og erfaringsdeling
- digitale faglege og sosiale møteplassar gjennom året
- oppfølging frå fylkeskommunen og ein lokal kontaktperson i kommunen
Få inspirasjon og les om prosjektet til Ålfoten LivOGLyst.
Les meir om LivOGLyst her