Alle lag og organisasjonar, samt private grupper eller bedrifter som ynskjer treningstid hausten 2025 og våren 2026 må opprette eigen brukar og logge seg inn i Book-up.
Vel skulen/idrettshallen du ynskjer treningstid på, skriv tydeleg kven som skal leige til dømes; Eldar IL, skigruppa 8-12 år, og reserver tid. Det er viktig å merke seg at søknaden må behandlast av den einskilde skule der de ynskjer treningstid.
Lag og organisasjonar som har hatt “faste” treningstider i haustsemesteret i gymsalar og idrettshallar vil bli prioritert som før. Det er mange hensyn å ta og ein kabal som skal tilpassast best mogleg for flest mogleg.
Utleige vilkår og reglement for rom og skular i Voss herad 2025- 2026
Spørsmål omkring Book-up?
Kontakt Guro Øvsthus: guro.ovsthus@voss.herad.no
Vossabadet og Idrettshallen
For treningstider og arrangement i Vossabadet og Idrettshallen, sjå kalenderen deira og ta direkte kontakt på e-post;
Vossabadet; resepsjon@vossabadet.no
Idrettshallen; tone@vossabadet.no
Det vert gratis utleige av kommunale bygg og idrettsanlegg også hausten 2025.
Heradsstyre vedtok i sak 116/23 eit prøveprosjekt i to år på gratis utleige av kommunale bygg og idrettsanlegg for frivillige lag- og organisasjonar som tilbyr fast organisert kvardagsaktivitet for barn og unge i aldersgruppa 0-19 år. Inntektsgivande arrangement, kurs, kampar, cupar, helgearrangement eller liknande kjem ikkje inn under ordninga, det same gjeld utleige til privatpersonar og kommersielle aktørar.
Frå skuleåret 2025/2026 vil framleis Voss herad ha det overordna ansvaret for å koordinere idrettshallar/gymsal for Voss idrettshall, Vossabadet, Voss gymnas, Voss vidaregåande skule, Voss ungdomsskule og Vangen skule.
Arrangement
For leige i samband med større arrangement, ta direkte kontakt med utleigar for tilgjengelegheit og leige.
Voss gymnas
Voss vidaregåande
For lån av sentralidrettsanlegget (grasbanane og friidrettsbana) ta kontakt med nils.f.kvamme@voss.herad.no
Overnatting
Dersom ein ynskjer å leige skular til overnatting, må ein ta direkte kontakt med den aktuelle skulen.
Instruks for overnatting i skular, barnehagar og andre formålsbygg i Voss herad. (PDF, 99 kB)