Tenesteområdet omfattar integreringsteneste, vaksenopplæring og spesialpedagogikk, og butilbod for einslege mindreårige flyktningar (EM-tiltak).

Tenesteområdet har ansvar for busetting og oppfølging av flyktningar busett etter avtale med iMDI (Integrerings- og mangfaldsdirektoratet), og etter gjeldande vedtak.   

Integreringstenesta omfattar førebuing og gjennomføring av busetting, økonomisk sakshandsaming og sakshandsaming etter integreringslova, koordinering av tenester til målgruppa, gjennomføring og oppfølging av introduksjonsprogram, og generell og spesiell rådgjeving til personar i målgruppa.  

Vaksenopplæringa omfattar norsk- og samfunnskunnskap til deltakarar i introduksjonsprogram, grunnskule for vaksne, og undervisning for vaksne som ikkje har tilfredsstillande utbyte av ordinært opplæringstilbod for vaksne.  Frå hausten 2021 skal vaksenopplæringa og ha ansvar for kombinasjonsklasse ved Voss gymnas.  

EM-tiltaket omfattar drift av bufellesskap for einslege mindreårige flyktningar busett etter avtale med IMDi eller Buf-etat, oppfølging og ettervern til ungdomar som flyttar ut av bufellesskapet, og oppfølging av ungdom som treng heildøgnstilbod i samarbeid med barnevernet.