Kommuneplanen er vårt viktigaste verktøy når me skal leggja til rette for kva samfunnsutvikling, arealforvaltning og tenesteproduksjon me ynskjer i heradet vårt. Planen gjeld for alle som bur og arbeider i Voss herad.
Kommuneplanen sin samfunnsdel skildrar kva langsiktige mål kommunen har for samfunnsutviklinga. Samfunnsdelen skal kunna fungera som eit politisk styringsverktøy og ha tydelege satsingsområde og mål. Måla i samfunnsdelen skal vera styrande for kva andre planar kommunen vel å utarbeida, og skal også vera grunnlag for prioriteringar i årleg rullering av økonomiplanen.
Har du innspel?
Me ynskjer innspel frå alle om korleis heradet skal utvikla seg i åra som kjem.
Fristen for å koma med innspel er sett til 27. november 2025.
Innspel kan du senda til postmottak@voss.herad.no
Her finn du framlegget til planen:
Kommuneplanen sin samfunnsdel
Her finn du saksframlegg med vedlegg frå handsaminga i formannsskapet 16. oktober:
Har du spørsmål kring høyringa?
Ta kontakt med prosjektleiar Gunnhild Utkvitne på e-post: gunnhild.utkvitne@voss.herad.no