Samfunnsdelen er sendt til slutthandsaming og skal opp til godkjenning i Heradsstyret 5. februar. Så snart samfunnsdelen og ny arealstrategi er vedteken, vil det verta opna for å koma med innspel til arealdelen. Innspelsrunden vil vera open frå veke 7 og fram til 25. mars.

Har du eit arealinnspel?  

Har du innspel til endra arealbruk, må du: 

• ha ei god skildring av forslaget 
• ha eit kartutsnitt som syner kor området ligg 
• skildra korleis innspelet er i samsvar med Voss herad sine mål for samfunnsutvikling 

Voss herad vil testa ei ny digital innspelsløysing, der ein mellom anna kan markera innspel direkte i kartet. Når innspelsrunden vert opna, vil du koma inn på denne løysinga. Her vil du finna meir informasjon om korleis du går fram for å senda inn innspel.