Status for arbeidet med kommuneplanen sin arealdel

Kommuneplanen sin samfunnsdel med arealstrategi vart vedteke 05.02.2026. Etter at arbeidet med samfunnsdelen vart ferdigstilla, er det kommuneplanen sin arealdel (KPA) som har vore i fokus. Arealdelen er heradet sin overordna plan for arealbruk, og skal fylgja opp mål og strategiar frå samfunnsdelen.

Vedtak om å leggja kommuneplanen sin arealdel ut til høyring og offentleg ettersyn

I møte i formannskap, plan og økonomi 15. oktober vart det vedteke å leggja kommuneplanen sin arealdel, KPA 2027, ut til høyring og offentleg ettersyn. Det vart gjort følgjande vedtak: 

1. I medhald av plan- og bygningslova § 11-14 vert framlegg til kommuneplanen sin arealdel for Voss herad (KPA 2027 datert 25.09.26) lagt ut til høyring og offentleg ettersyn med fylgjande endring:
   1. planId 12352015008 Opelandsmarka skal framleis liggja inne i KPA. (side 27 vedlegg 5c)
   2. planId 123596010 Brynamarka skal framleis liggja inne i KPA. (side 22 vedlegg 5c)
   3. Føresegn 21.2.2 skal endrast frå «Kårbustad skal inngå som del av tunskipnaden og ha maks storleik på 250 m2 BRA.» til «Kårbustad bør …» (side 19 vedlegg 2)
   4. Motorsport i Kyrkjeteigen Bømoen skal arbeidast inn i KPA.
   5. Parkeringsføremål i tilknyting til Viljarhuset skal arbeidast inn i KPA.
   6. Innspel Voss Byggsenter, 199/2 skal arbeidast inn i KPA. (side 2 i vedlegg 6a)
   7. Innspel Nils Istad, 173/72 skal arbeidast inn i KPA. (side 2 i vedlegg 6a)
2. Formannskapet ynskjer innspel på endringane for å høyra ulike typar fordeler og ulemper ved endringar a-g. 
3. Rådmannen får fullmakt til å språkvaska, kvalitetssikra og gjera redigeringsmessige endringar i dokumenta, før planen vert lagt ut til høyring og offentleg ettersyn.
4. Det skal gjennomførast 4 opne kontordagar i samband med høyringa.

Lenke til politisk sak ( Kommuneplanen sin arealdel KPA – høyring og offentleg ettersyn, saksnr. 72/26) med vedlagt planforslag og vedtak: Møteplan og saksdokument - Voss herad

Høyring og offentleg ettersyn

Planmaterialet er oppdatert i samsvar med formannskapsvedtaket 15.10.26 og er no lagt ut til høyring og offentleg ettersyn. Planmaterialet ligg tilgjengeleg i Voss herad sitt planregister arealplaner.no 

Digitalt plankart er tilgjengeleg her https://kommunekart.com/klient/voss/kpa2026_02

Innspel og høyringsfrist

Voss herad inviterer innbyggjarar, grunneigarar, næringsliv, organisasjonar, offentlege instansar og andre interesserte til å koma med innspel til planforslaget. 

Høyringsfristen er 19. desember 2026. Innspel må vera skriftlege og kan sendast inn på ein av desse måtane:

• e-post til postmottak@voss.herad.no
• brev til Voss herad, postboks 145, 5701 Voss 
• via innspelsløysinga mittinnspill.noHer kan du mellom anna gjera markeringar i kart, som du kan leggja ved innspelet 

Merk e-post eller brev med «innspel til kommuneplanen sin arealdel 2027»

Opne kontordagar

Det vert gjennomført 4 «opne kontordagar» i løpet av høyringsperioden. Dette inneber at Voss herad v/administrasjonen vil vera tilgjengeleg for innbyggjarar som har spørsmål eller ynskjer informasjon om arealdelen. 

Opningstider på kontordagane er frå 14.00 til 18.00. 

Kva skjer vidare?

Alle innkomne innspel vil verta handsama og vurdert, og følgja med saka når kommuneplanen sin arealdel vert sendt til andre gongs politisk handsaming og godkjenning. 

Målet er å få lagt fram ei politisk sak i løpet av vinter/vår 2027.