Du får fakturaen elektronisk.

Faktura til privatpersonar:

• Har du Avtalegiro, vert fakturaen trekt automatisk i banken på forfallsdag. Du får tilsendt melding/kopi av faktura som vert trekt.
• Har du eFaktura, finn du fakturaen i nettbanken din.
• Har du ikkje eFaktura, får du faktura i din digitale postkasse (Digipost eller eBoks) eller i Altinn. 
• Du finn også fakturaen i fakturaoversikta på Mi side (Logg inn). 
• Har du reservert deg mot digital post, får du faktura i posten.

Faktura til verksemder/organisasjonar:

• Dersom du kan ta i mot EHF vil du få fakturaer frå Voss herad levert som EHF.
• E-post

Kopi av manglande faktura finn du enkelt ved å logga deg inn på Mi Side

Du må inngå avtale om eFaktura for å få fakturaer frå Voss herad levert i nettbanken. Merk at dersom du har avtale om å få faktura på AvtaleGiro, må du i tillegg inngå avtale om eFaktura for å få fakturaen opp i nettbanken. 

• Kommunale avgifter og eigedomsskatt – vert fakturert terminvis 3 gonger i året med forfall 20.03., 20.06. og 20.10.
• Barnehage og SFO – faktura vert sendt ut kvar månad med forfall den 20. Fakturaen gjeld for inneverande månad.
• Helsetenester – faktura vert sendt ut etterskotsvis kvar månad med forfall den 20. Faktura gjeld føregåande månad.
• Husleige – vert fakturert på månadsbasis med forfall den 20. kvar månad.
• Andre tenester – faktura vert sendt ut fortløpande.

Dersom du manglar faktura finn du denne enkelt ved å logga deg inn på Mi side.

Du kan også sende e-post til postmottak.okonomi@voss.herad.no

Du kan bestilla kopi av faktura på vegne av: 
- deg sjølv
- nokon du har fullmakt for
- ei bedrift eller organisasjon du representerer

Har du betalt rekninga dobbelt eller av andre grunnar betalt for mykje? Då vil du automatisk få tilbake det du har betalt for mykje. Pengane får du på kontoen du betalte frå.

For å endra fakturamottakar eller fakturaadresse må du ta kontakt med økonomiavdelinga i Voss herad. Det gjer du ved å senda e-post til postmottak.okonomi@voss.herad.no.

Faktura som gjeld kommunale avgifter og eigedomsskatt kan berre stilast til heimelshavar. Dersom det er fleire heimelshavarar på same eigedomen må den eine av heimelshavarane stå som mottakar av faktura. Det er mogleg å endra kven av eigarane som skal vera mottakar av faktura frå kommunen. Ein heimelshavar er det same som eigar av ein eigedom. Endringa vil gjelde ved nye fakturakrav. Me har kun moglegheit å senda faktura til ein av eigarane.

Dersom du av ulike årsaker ikkje kan betala faktura på forfall ber me om at du tek kontakt med oss slik at me kan vurdera ein nedbetalingsavtale eller utsetjing av betaling.

Kontakt økonomiavdelinga på postmottak.okonomi@voss.herad.no

Du må betala forseinkingsrenter frå fakturaen sitt forfall. Du betalar forseinkingsrenter til heile kravet er betalt.

Her finn du meir informasjon om korleis du kan forenkla betalingsrutinane dine.

Kva er eFaktura

• Med eFaktura får du rekningane ferdig utfylt rett i nettbanken din.
• Du slepp å tasta lange KID- og kontonummer når du skal betala rekningen. Det einaste du treng å gjera er å godkjenna betalinga.
• Du kan sjølv velja å endra beløp og forfallsdato, og du kan også velja å bli varsla på e-post kvar gong du mottek ei ny rekning i nettbanken
• E-faktura referanse er 00+kundenummer Td. 00310180

Kva er AvtaleGiro?

• AvtaleGiro er ei teneste for automatisk betaling av faste rekningar.
• Banken syrgjer for at rekningane vert betalt direkte frå din konto på forfallsdato.
• Du beheld full oversikt og kontroll over rekningane dine, sjølv om AvtaleGiro-trekka vert gjort av banken.
• Avtalegiro-referanse er KID-nummeret på fakturaen

Kombinasjon av AvtaleGiro og eFaktura

• Du kan kombinera AvtaleGiro og eFaktura, fordelen er at du får opp fakturaspesifikasjon i nettbanken din. Fakturaen vil bli betalt automatisk.
• Du kan ordne alt dette i nettbanken din. Ta kontakt med banken din dersom du treng hjelp.

Korleis kan eg avslutta eFaktura eller Avtalegiro?

AvtaleGiro og eFaktura er avtalar inngått mellom deg og banken din, og må derfor og avsluttast i banken din. Dette kan du gjera i nettbanken eller ved å kontakta banken.

Har du ein ubetalt faktura? 

Etter forfallsdato vert det sendt ut ei betalingspåminning (purring) fra Voss herad. Dersom denne ikkje er betalt innan betalingsfristen, vert fakturaen overført til heradet sitt inkassoselskap for vidare oppfylgjing. Voss herad brukar Kredinor som inkassoselskap.

Slik betalar du inkassokrav

Du mottar ei betalingsoppfordring eller eit inkassovarsel frå Kredinor. Finn du ikkje betalingsinformasjon, ta kontakt direkte med Kredinor eller logg deg inn på MinSide på We help you make it - Kredinor.

Dersom du ikkje betalar

Fakturaer som ikkje blir betalt, går vidare til inkasso og kan føra til ytterlegare kostnadar og rettslege skritt.

Klage

Har du mottatt ei betalingsoppfordring frå Voss herad som du er ueinig i, må du senda ein skriftleg klage innan fristen som er oppgitt i brevet.

Har du spørsmål?

Dersom du har spørsmål som gjeld tenester/varer det er fakturert for (grunnlaget), kontaktar du tenestestaden/eininga som er angitt på faktura.
Dersom det gjeld betaling, ta kontakt med Kredinor.