Deler av presegardsmoen er underlagt omsynssoner som fylgje av brønnområde knytt til Vossevangen vassbehandlingsanlegg. Det er i dette høve utarbeida rapport knytt til straumningar og anna relevant info knytta mot brønnområdet.

Rapporten kan de sjå her: Rapport hydrogeologisk modell Prestegardsmoen (PDF, 6 MB)

Under er oversikt over område omfatta av vernesome 0-2, samt tilhøyrande krav knytta til tiltak og anna ferdsle innafor sonene:

Sone 0 Omfattar sonen som ligg nærast brønnområdet. Området skal gjerdast inn Berre aktivitetar som er naudsynt for drift av vassverket er tillate

Sone 1 Omfattar det området som ligg nærare brønnområdet enn sone 2 og som har permanent innstrøyming til brønnområdet.

• Forbod mot anleggsarbeid som er ikkje er naudsynt for drift av vassverket eller skjøtsel av friområdet. Alt anleggsarbeid skal risikovurderast i kvart enkelt tilfelle.
• Forbod mot hogging av skogen. Skjøtsel av skog, fjerning av enkelttre som kan utgjera fare og rydding av skogsbotn er tillate.
• Forbod mot bruk av husdyrgjødsel, kunstgjødsel og plantevernmidlar.
• Forbod mot organisert camping.
• Forbod mot motorisert ferdsel som ikkje er naudsynt for drift av kommunale anlegg og skjøtsel av friområdet.
• Forbod mot lagring av lett nedbrytbart organisk materiale.
• Forbod mot oppføring av nye bygg/tiltak som ikkje er knytt til vassverket

Sone 2 Omfattar eit ytre tilsigsområde som har grunnvasstrøyming inn til brønnområdet, enten permanent eller under spesielle forhold.

• Det er ikkje tillate med lagring av drivstoff og/eller kjemikaliar utan godkjenning frå Voss kommune.
• Det skal føretakast ei hydrogeologisk farekartlegging før oppstart av alt arbeid. Alt grave- og anleggsarbeid skal godkjennast av Voss kommune.
• Alt avløp skal vera tilknytt offentleg nett.
• Infiltrasjonsanlegg er ikkje tillate.
• All bruk av plantevernmidlar nytta til planar og idrettsanlegg skal vera godkjent av Voss kommune